Kawanihan ng Rentas Internas (Pilipinas)

Ang Kawanihan ng Rentas Internas (BIR) (Ingles: Bureau of Internal Revenue) ay isang ahensiya ng pamahalaan ng Republika ng Pilipinas sa ilalim ng Kagawaran ng Pananalapi na naglilikom ng mga iba't ibang uri ng buwis sa bansa. Ito ay naglilikom mahigit sa kalahati ng kabuuang kita ng pamahalaan.

Kawanihan ng Rentas Internas
Bureau of Internal Revenue
Ang sagisag ng Kawanihan ng Rentas Internas
Buod ng Ahensya
Pagkabuo1 Agosto 1904
KapamahalaanPamahalaan ng Pilipinas
Punong himpilanDaang Agham, Diliman, Lungsod Quezon, Pilipinas
Kasabihan/mottoKahusayan sa Paglilingkod na may Katapatang-asal at Propesyonalismo
Tagapagpaganap ng ahensiya
  • Romeo D. Lumagui Jr., Komisyonado
Pinagmulan na ahensiyaKagawaran ng Pananalapi
Websaytwww.bir.gov.ph

Kapangyarihan at gawain baguhin

Ang mga kapangyarihan at gawain ng BIR ay ang mga sumusunod:

  • Pagtatantya at paglilikom ng lahat ng mga buwis na rentas internas, mga butaw at utang; at
  • Pagpapatupad ng lahat ng mga pagreremata, parusa, at mga multa na may kaugnayan kasama nito ang pag-utas ng mga hatol sa lahat ng mga kaso na napasiyahan sa sang-ayon ng Hukuman ng Paghahabol sa Buwis at ng karaniwang hukuman.
  • Nagbibigay ng epekto sa at namamahala sa mga kapangyarihan sa pamamahala at pampulisya na ipinagkaloob sa kanya ng Pambansang Kodigo ng Rentas Internas at mga tanging batas.

Kasaysayan baguhin

Itinatag ang BIR sa bisa ng Batas Blg. 1189 ng Komisyon ng Pilipinas noong 1 Agosto 1904 na binubuo ng 69 na opisyal at manggagawa lamang. Ito'y lumalawig nang kapansin-pansin pagkalipas ng maraming taon. Si John S. Hord ay ang unang Tagalikom ng Rentas Internas na naging tagapamahala ng kawanihan sa loob ng tatlong taon (1903-1907). Sumunod sa kanya ay sina Ellis Cromwell (1909-1912), William T. Nolting (1912-1914) at James J. Rafferty (1914-1918) na naging huling Amerikanong tagalikom ng Kawanihan. May tatlong Pilipino na nakapaglingkod bilang mga Tagalikom ang BIR na sina Wenceslao Trinidad, Juan Posadas, Jr. at Alfredo L. Yatco.

Ang pilipinisasyon ng BIR ay nagsimula kay Bibiano L. Meer, ang ikawalo at ikasampung tagalikom (3 Enero 1939 - 31 Disyembre 1941; 28 Hunyo 1946 - 4 Oktubre 1950). Siya rin ang tagapamahala ng adwana at rentas internas noong panahon ng pananakop ng mga Hapones. Pagkatapos ng digmaan, siya'y pinalitan ni Jose Leido, Sr.. Subali't, napalitan siya kay Meer, na naging tagalikom sa pangalawang pagkakataon. Noong Oktubre 1950, natapos ang panunungkulan ni Meer at ang pumalit ay si Saturnino David. Umupo si Antonio Araneta noong Enero 1954 bilang kapalit kay Saturnino David. Noong 1957, ang posisyon ng tagalikom ay napalitan sa komisyonado.

Tingnan din baguhin

Mga panlabas na kawing baguhin