Leeg
Ang leeg o liig[1] (Ingles: neck) ay ang bahagi ng katawan ng tao o hayop na nagdurugtong sa ulo at punungkatawan (Ingles: torso o trunk). Ilan sa mga bahaging nasa harap ng leeg ang lalagukan at lalamunan. Matatagpuan naman sa likod nito ang batok.
Mga kaugnay na salita baguhin
Tumutukoy ang makabaling-leeg o makabaling-liig sa mga gawain o bagay na nakasasanhi ng pinsala sa leeg. Isang pandiwa naman ang liigan na nagpapahiwatig na may mahaba o malaking leeg ang isang tao o hayop. Isa ring gawain ang liigan na ang ibig sabihin ay paglalagay ng leeg sa isang iginuhit na larawan. Ginagamit ang huli sa larangan ng pagguhit at paglililok.[1]
Sa larangan ng pananamit at pananahi, mayroon ding bahagi ang baro na tinatawag na leeg ng damit o leeg ng baro, malapit sa kuwelyo ng damit. Ito ang bahaging kinaroroonan ng leeg ng nagsusuot ng damit.[1] May leeg din ang iba pang mga bagay, halimbawa na ang mga gitara.
Sanggunian baguhin
- ↑ 1.0 1.1 1.2 English, Leo James (1977). "Leeg, liig". Tagalog-English Dictionary (sa Ingles). Congregation of the Most Holy Redeemer. ISBN 9710810731.
Ang lathalaing ito na tungkol sa Anatomiya ay isang usbong. Makatutulong ka sa Wikipedia sa pagpapalawig nito.