Ang pagkababae, peminidad, ugaling babae, o pagiging babae (Ingles: muliebrity, salitang hinango mula sa Latin na muliebris; womanhood, o femininity) ay isang pangkat ng mga katangian, mga kaasalan o pag-uugali, at mga gampanin na pangkalahatang may kaugnayan sa mga batang babae at kababaihang nasa wastong gulang na. Bagaman itinatag o nilikha ng lipunan, ang peminidad ay binubuo ng mga bagay-bagay na kapwa itinalaga ng lipunan at nilikha ng biyolohiya.[3][4][5][6] Dahil dito, naiiba ito mula sa payak na kahulugan ng pambiyolohiyang kasarian na pambabae,[7][8] bilang kababaihan, kalalakihan, at mga taong transhender na maaaring magpamalas ng mga katangiang peminino, katulad ng paglalarawang pagkabinabae (ng binabae) at kabaklaan (ng isang bakla). Kaya't ang pagkababae o pemininad ay isang neolohismo na kabaligtaran o kaya ay katambal ng pagkalalaki (birilidad) o kaya ng maskulinidad. Bukod sa pagbibigay ng kahulugan rito ng "pagiging babae" o "pagkababae", ito rin ay minsang nabibgyan ng kahulugan na may diwang "parang babae" (kung kumilos, sa kalinisan sa katawan, o manamit, bilang halimbawa). Minsan ding ginagamit ito bilang mapagtipong kataga para sa kababaihan.

Ang dibuhong Pagsilang kay Benus na iginuhit ni Boticelli ay isang klasikong kinatawan ng peminidad.[1][2] Si Benus ay isang diyosa sa mitolohiyang Romano na pangunahing may kaugnayan sa pag-ibig, kagandahan, at pertilidad.

Ang mga katangiang may kaugnayan sa peminidad ay kinabibilangan ng isang kasamu't sarian ng mga bagay na panlipunan at pangkultura, at kadalasang nagbabagu-bago ayon sa lokasyon at konteksto.[9] Ang mga katangiang pangpag-uugali na itinuturing na peminino ay kinabibilangan ng kayumian, pagkabanayad, kalamyusan, empatiya (maunawain sa damdamin ng ibang tao), at sensitibidad (pagiging sensitibo).[10][11] Ang kabaligtaran ng peminidad ay ang maskulinidad.

Tingnan din baguhin

Mga sanggunian baguhin

  1. Manifestations of Venus: art and sexuality, pahina 93 ni Katie Scott, Caroline Arscott, pahina 93- “...began its consideration of Venus by describing her as .... who presided over all feminine charms, for...”
  2. The Pacific muse, pahina 49 ni Patty O'Brien “The young beautiful Venus wringing water from her tresses was a configuration of exotic femininity that was…
  3. Marianne van den Wijngaard (1997). Reinventing the sexes: the biomedical construction of femininity and masculinity. Race, gender, and science. Indiana University Press. pp. 171 mga pahina. Nakuha noong Hunyo 3, 2011. {{cite book}}: Unknown parameter |id ISBN= ignored (tulong)CS1 maint: uses authors parameter (link)
  4. Hale Martin, Stephen Edward Finn (2010). Masculinity and Femininity in the MMPI-2 and MMPI-A. U of Minnesota Press. pp. 310 mga pahina. Nakuha noong Hunyo 3, 2011. {{cite book}}: Unknown parameter |id ISBN= ignored (tulong)CS1 maint: uses authors parameter (link)
  5. Pamela J. Kalbfleisch, Michael J. Cody (1995). Gender, power, and communication in human relationships. Psychology Press. pp. 366 mga pahina. Nakuha noong Hunyo 3, 2011. {{cite book}}: Unknown parameter |id ISBN= ignored (tulong)CS1 maint: uses authors parameter (link)[patay na link]
  6. Richard Dunphy (2000). Sexual politics: an introduction. Edinburgh University Press. pp. 240 mga pahina. Nakuha noong Hunyo 3, 2011. {{cite book}}: Unknown parameter |id ISBN= ignored (tulong)CS1 maint: uses authors parameter (link)
  7. Ferrante, Joan. Sociology: A Global Perspective (ika-7 pat.). Belmont, CA: Thomson Wadsworth. pp. 269–272. ISBN 0840032048.
  8. Gender, Women and Health: What do we mean by "sex" and "gender"?' The World Health Organization
  9. Witt, edited by Charlotte (2010). Feminist Metaphysics: Explorations in the Ontology of Sex, Gender and Identity. Dordrecht: Springer. p. 77. ISBN 9048137829. {{cite book}}: |first= has generic name (tulong)
  10. Vetterling-Braggin, Mary "Femininity," "masculinity," and "androgyny": a modern philosophical discussion
  11. Worell, Judith, Encyclopedia of women and gender: sex similarities and differences and the impact of society on gender, Volume 1 Elsevier, 2001, ISBN 0122272463, 9780122272462