Pandaigdigang Araw ng Kabataan

Ang Pandaigdigang Araw ng Kabataan o World Youth Day (WYD) ay binuo ni Papa Juan Pablo II noong 1984 "upang pagsamahin ang mga karaniwang ministeryo ng kabataan sa pamamagitan ng pag-aalay ng bagong sigla para sa pagsalig, mga layunin na kinakandili ang mas higit pa na pagsangkot at paglahok" (Sulat mula kay Papa Juan Pablo II - Seminar noong WYD 1996).

Layunin

May tatlong layunin ang World Youth Day:

1. Magkaroon ng tiwala sa kabataan
   • Ang World Youth Day ay isang pagsasama ng mga kabataan mula sa buong mundo at isang malakas na paalala ng kalakasan at tiwala ng Simbahang Katoliko sa kabataan ngayon.
2. Sama-samang pagtitipon
   • Hindi lamang pagtitipon sa kabataan ang World Youth Day, kundi isang oras na magkaroon ng tiwala sa kabataan ng mundo. Isang pagtawag para sa kabataan ng mundo upang magtipon bilang isa.
3. Pagpulong ng internasyunal na mundo sa antas ng tao
   • Nakakamangha pa rin ngayong ika-21 siglo na nakapagpalitan sa iba at maging bahagi sa karanasang internasyunal. Nagkakaroon ng lubos na pag-asa ang mga ganitong pangyayaring internasyunal ngunit marami rin takot (pagtaas sa pundamentalismo, nasyonalismo at ibang bagong salungatan). May ginagampanan ang Simbahang Katoliko at mga Kristiyano mismo sa pagpigil ng pagusbong ng mga ganitong takot, at tinutulungan ang bawat tao na maghanap ng mga paraan upang matuklasan ang pag-asa.

Mga pangyayari

Pagdiriwang Pandaigdigan

Internasyunal na Antas ng Pagdiriwang

Taon	Petsa	Lokasyon	Bilang ng Lumahok1	Tema	Pan-temang Awitin [Wika]2	Mga Nota
1984	Abril 15	Roma, Italya Santa Missa sa Piazza San Pietro	300,000	Banal na Taon ng Pagliligtas: Selebrasyon ng Pag-Asa	Resta Qui Con Noi [Italyano]	Ibinigay ni Juan Paulo II ang WYD Cross sa Kabataan ng mundo
1985	Marso 31	Roma, Italya Santa Missa sa Piazza San Pietro	300,000	Internasyunal na Taon ng Kabataan
1987	Abril 11–12	Buenos Aires, Arhentina	1,000,000	Nalalaman natin at pinananaligan ang pag-ibig ng Diyos sa atin. (1 Juan 4:16)	Un Nuevo Sol [Espanyol]	Unang WYD sa labas ng Italya at Europa
1989	Agosto 15–20	Santiago de Compostela, Espanya Misang Pang-wakas sa Monte do Gozo	400,000	Ako ang daan, ang katotohanan, at ang buhay. (Juan 14:6)	Somos Los Jóvenes [Espanyol]
1991	Agosto 10–15	Częstochowa, Polonya	1,600,000	Natanggap ninyo na ang espiritu ng pagiging anak. (Roma 8:15)	Abba Ojcze [Polako Italyano Espanyol]
1993	Agosto 10–15	Denver, Nagkakaisang Estado ng Amerika Misang Pang-wakas sa Cherry Creek State Park	500,000	Naparito ako upang ang mga tupa’y magkaroon ng buhay—isang buhay na ganap at kasiya-siya. (Juan 10:10)	(We Are) One Body [Ingles]	Unang WYD sa Hilagang Amerika
1995	Enero 10–15	Maynila, Pilipinas Misang Pang-wakas sa Luneta Park	10,000,000	Kung paanong sinugo ako ng Ama, gayon din naman, sinusugo ko kayo. (Juan 20:21)	Tell the World of His Love [Ingles]	Pinakamalaking pagtitipon kasama ang Santo Papa Unang WYD sa Asya
1997	Agosto 19–24	Paris, Pransiya Misang Pang-wakas sa Longchamp Racecourse	1,200,000	Guro, saan ka namamahaya? Halikayo at tignan. (cf. Jn 1:38-39)	Maître Et Seigneur [Pranses]
2000	Agosto 15–20	Roma, Italya Misang Pang-wakas sa Tor Vergata	2,000,000	Naging tao ang Salita at siya’y nanirahan sa piling natin. (Juan 1:14)	Emmanuel [Italyano Ingles Pranses Espanyol]	Kasama sa selebrasyon ng Dakilang Hubileo
2002	Hulyo 23–28	Toronto, Canada Misang Pang-wakas sa Downsview Park	800,000	Kayo’y asin sa mundo...kayo’y ilaw sa sanlibutan (Mateo 5:13-14)	Lumière Du Monde/Light Of The World [Pranses Ingles Espanyol Italyano]	Huling WYD na dinaluhan ni Juan Paulo II
2005	Agosto 16–21	Cologne, Alemanya Misang Pang-wakas sa Marienfeld	1,200,000	Naparito kami upang sambahin siya (Mateo 2:2)	Venimus Adorare Eum [Aleman Latin Pranses Espanya Ingles Italyano]	Huling WYD na ipinahayag ni Juan Paulo II Unang WYD na dinaluhan ni Benedicto XVI
2008	Hulyo 15–20	Sydney, Australia Misang Pang-wakas sa Southern Cross Precint	400,000	Tatanggap kayo ng kapangyarihan kapag dumating ang Banal na Espiritu, at kayo ay magiging testigo ko. (Mga Gawa 1:8)	Receive The Power [Ingles Italyano Espanyol Pranses]	Unang WYD sa Oceania
2011	Agosto 16–21	Madrid, Espanya Misang Pang-wakas sa Cuatro Vientos Airport	1,400,000–2,000,000	Nananatili at Nagpapakatibay kay Krsto, Matatag sa Pananampalataya. (Col 2:7)	Firmes en la Fe [Español Ingles Pranses Italyano Aleman Polako Griego]	Maliban sa Batikano at Italya, Espana ang unang bansang naging lokasyon ng WYD higit sa isang pagkakataon. Huling WYD na dinaluhan ni Benedicto XVI
2013	Hulyo 23–28	Rio de Janeiro, Brasil Misang Pang-wakas sa Dalampasigang Copacabana	3,700,000	Humayo kayo at gawin ninyong alagad ang lahat ng bansa. (Mateo 28: 19)	Esperança do Amanhecer	Ikalawang WYD sa Timog-Amerika Unang WYD sa bansang Portuges ang wika Huling WYD na ipinahayag ni Benedicto XVI Unang WYD na dinaluhan ni Francisco Unang WYD na pareho ang lokasyon ng pambungad at pang-wakas na Misa
2016	Hulyo 26-31	Kraków, Polonya Misang Pang-wakas sa Kondado ng Brzegi, Wieliczka	3,000,000	Mapalad ang mga mahabagin, sapagkat kahahabagan sila. (Mateo 5:7)	"Błogosławieni miłosierni"	Ikalawang 'WYD' sa Poland Unang 'WYD' na Santo si Juan Pablo II Unang WYD na ipinahayag ni Francisco
2019	Enero 22-27	Lungsod ng Panama, Panama Misang Pang-wakas sa Metro Park, Juan Díaz, Lungsod ng Panama	700,000	Ako'y alipin ng Panginoon. Mangyari sa akin ang iyong sinabi. (Lucas 1:38)	"Hágase en mí, según tu palabra"	Ikatlong 'WYD' sa Timog America
2023		Lisboa, Portugal		Hindi nagtagal at si Maria'y nagmamadaling pumunta sa isang bayan sa bulubundukin ng Juda. (Lucas 1:39)		Ikasampung 'WYD' sa Europa Ikatlong 'WYD' sa Timog-Kanlurang Europa

¹Ito ay mula sa websayt ng USCCB Naka-arkibo 2008-09-17 sa Wayback Machine. maliban sa may ibang pinagmulan. Ang mga numero ay para sa Misang Pang-wakas kung saan sinasamahan ng maraming lokal na tao ang mga bumyahe para sa WYD. ²Inililista dito ang mga wikang ginamit sa pina-unang bersyong internasyunal ng awiting pan-tema. Maaaring may gumawa ng ibang bersyon ng kanta na posibleng gumamit ng ibang wika.

Pagdiriwang Pang-episkupo

Pang-Episkupong Antas ng Pagdiriwang

Petsa	Tema
23 Marso 1986	Humanda kayong lagi na magpaliwanag sa sinumang magtatanong sa inyo tungkol sa inyong pag-asa. (1 Pedro 3:15)
27 Marso 1988	Gawin ninyo ang anumang sabihin niya sa inyo. (Juan 2:5)
8 Abril 1990	Ako ang puno ng ubas, kayo ang mga sanga. (Juan 15:5)
12 Abril 1992	Humayo kayo sa buong sanlibutan at ipangaral ninyo sa lahat ang Mabuting Balita. (Marcos 16:15)
27 Marso 1994	Kung paanong sinugo ako ng Ama, gayon din naman, sinusugo ko kayo (Juan 20:21)
31 Marso 1996	Panginoon, kanino po kami pupunta? Nasa inyo ang mga salitang nagbibigay ng buhay na walang hanggan. (Juan 6:68)
5 Abril 1998	Ang Espirtu Santo ang siyang magtuturo sa inyo ng lahat ng bagay (cf Juan 14:26)
28 Marso 1999	Iniibig kayo ng Ama. (cf. Juan 16:27)
8 Abril 2001	Kung ibig ninumang sumunod sa akin, limutin niya ang ukol sa kanyang sarili, pasanin araw-araw ang kanyang krus, at sumunod sa akin. (Lukas 9:23)
13 Abril 2003	Narito ang iyong ina. (Juan 19:27)
4 Abril 2004	Ibig po naming makita si Hesus. (Juan 12:21)
9 Abril 2006	Ang Iyong salita ay lampara sa'king paa at ilaw sa'king daan. (Mga Awit 119:105)
1 Abril 2007	Kung papaanong inibig ko kayo ay gayundin naman kayong mag-ibigan sa isa't isa. (Juan 13:34)
5 Abril 2009	Ang aming pag-asa ay nasa Buhay na Diyos. (1 Timoteo 4:10)
28 Marso 2010	Mabuting Guro, ano po ba ang dapat kong gawin upang makamtan ko ang buhay na walang hanggan? (Marcos 10:17)
1 Abril 2012	Magalak kayong lagi sa Panginoon. (Filipos 4:4)
13 Abril 2014	Mapalad ang mga aba, sapagkat makakasama sila sa kanyang kaharian. (Mateo 5:3)
29 Marso 2015	Mapalad ang mga may malinis na puso, sapagkat makikita nila ang Diyos. (Mateo 5:8)
05 Abril 2020	Binata, sinasabi ko sa iyo, bumangon ka! (Luka 7:14)
28 Marso 2021	Tumayo ka! Nagpakita ako sa iyo upang italaga ka bilang aking lingkod at magpatotoo tungkol sa mga nakita mo. (Gawa 26:16)

Tipikal na talatakdaan ng mga pangyayari

Pandaigdigang Pagdiriwang

Lingo ng Pagdiriwang ng Araw ng Kabataan

	Hanggang sa lingo ng pagdiriwang	MARTES	MIERKULES	HUWEBES	BIYERNES	SABADO	LINGO
UMAGA	Mga Araw sa Episkupo: Sesyong Katetikal sa mga parokya sa loob at malapit sa episkupo	Opisyal na araw ng pagdating ng mga Biyahero	Sesyong Katetikal kasama ang ilang obispo			Biyaheng paglalakad patungo sa lugar ng bigil	Seremonyang pang-wakas: Dasal ng umaga kasama ang mga obispo Santa Misa na pinamumunuan ng Santo Papa Inaanunsyo ng Papa ang susunod na lugar na pandaigdigang selebrasyon
HAPON		Seremonyang Pambungad Selebrasyon ng Santa Misa na pinamumunuan ng lokal na ordinarya	Mga palabas, musika, pagdarasal at pag-kumpisal	Opisyal na pagdating ng Santo Papa kung saan ibinibigay niya ang mensaheng pambungad	Mga palabas, musika, pagdarasal at pag-kumpisal	Mga palabas, musika, pagdarasal at pag-kumpisal sa lugar ng bigil
GABI		Mga palabas, musika, pagdarasal at pag-kumpisal			Estasyon ng Krus	Bigil kasama ang Santo Papa

Pagdiriwang sa Lokal na Episkupo

Ang mga kaganapan sa Episkupo ay pinaplano ng isang grupo na inatasan ng obispo.

Halos palaging kasabay ng pagdiriwang ang Linggo ng Palaspas, kayat laging kasama sa selebrasyon ang Santa Missa ng Domingo de Ramos - kung saan isinasagunita ang pagpasok ni Hesus sa Jerusalem sa kaniyang mga huling araw.

Kasama rin sa pagdiriwang ang musika, pagdarasal, pag-kumpisal, at ang eksposisyon ng Banal na Sacramento.

Tignan Din

Kawing Panlabas

• Batikano: Dokumento ukol sa WYD
• USCCB: Arkibo ukol sa WYD Naka-arkibo 2005-05-26 sa Wayback Machine.
• Opisyal na Huwebsayt ng ika-20 WYD Naka-arkibo 2004-09-10 sa Wayback Machine.
• Deutsche Welle: Balita't Impormasyon ukol sa WYD