Wikipedia

Victory Liner

Ang Victory Liner, Inc., (VLI) ay isa sa pinakamalaking kompanya ng bus panlalawigan sa Pilipinas. Ito ang tanging kompanya ng bus na may pinakamaraming destinasyon sa Hilagang Luzon. Ito ay naging produkto ng pananakop ng bansang Hapon noong panahon ng Ikalawang Digmaang Pandaigdig.

Victory Liner
image
Slogan"We move people better...safer."
Naitatag1945
Punong Tanggapan713 Rizal Avenue Extension, Barangay 72, Grace Park West, Makasaysayang Lungsod ng Kalookan, Pilipinas
Lugar ng SerbirsyoMaynila-Hilagang Luzon, Pilipinas
Uri ng SerbisyoPanlalawigan
Fleet900+ bus units, (Ordinary, Air-Conditioned and Deluxe buses)
TagapamahalaVictory Liner, Inc.
Websaytwww.victoryliner.com

Pinagmulan baguhin

Ang pangalan ng kompanya ay hinango sa salitang Ingles na "Victory Joe", na sinabi ng isang sundalong Amerikano, na nagpapatunay ng tagumpay ng Estados Unidos sa Ikalawang Digmaang Pandaigdig laban sa Hapon. Ang pananalitang iyon ang siyang naging pangalan ng kompanya ng bus at tinawag ito ngayong Victory Liner ni G. Jose I. Hernandez, isang mekaniko at sole founder ng nasabing kompanya.

Kasaysayan baguhin

Ang pagkakatatag ng Victory Liner ay nagsimula kay G. Jose Hernandez, isang mekaniko. Nangolekta siya ng ilang spare parts, makina, at mga piraso ng metal galing sa mga sira at abandonadong mga sasakyang pangmilitar ng Estados Unidos. Naisipan niyang gawin itong isang trak upang magdala at magbenta ng mga produkto tulad ng mais, bigas, mga gulay at homemade na sabong panlaba.

Makalipas lamang ang isang buwan buhat nang matapos ang digmaan, naisipan umano ni G. Hernandez na ang trak na ginawa niya ay siyang magiging pampasaherong bus.

Noong 15 Oktubre 1945, ang kauna-unahang bus na hinango niya sa improvised na trak ay may linyang Maynila-Olongapo vice versa. Siya ang kauna-unahang drayber nito, at ang kanyang bayaw na si Leonardo D. Trinidad ay ang kauna-unahang konduktor.

Sa paglipas ng maraming taon, lumawak ang kompanya at naging isang ganap na korporasyon dahil sa nakakuha sila ng ilang prangkisa at units sa ilang mga kompanya ng bus na malapit nang malugi o magsara. Sa ngayon, ang Victory Liner na ang nangungunang kompanya ng bus na may pinakamaraming destinasyon sa Hilagang Luzon, kabilang na ang Bulacan, Pampanga, Bataan, Zambales, Pangasinan, Tarlac, Benguet, La Union, Nueva Ecija, Nueva Vizcaya, Isabela, Cagayan, Apayao, at Kalinga. Ang pangunahing opisina nito (opisyal na headquarters) ay matatagpuan sa Makasaysayang Lungsod ng Caloocan at ang adres nito ay 713 Rizal Avenue Extension, Barangay 72, Grace Park West, Lungsod ng Kalookan, Pilipinas.

Sa ngayon, may mayroon nang tinatayang 1000 bus ang Victory Liner batay sa iba't ibang modelo. Ang ibang unit ay pawang mga rebodied (binago ang disenyo ng katawan ng bus sa pamamagitan ng welding upang magmukhang bago) mula sa ilang pinagkakatiwalaang manupakturer ng mga bus gaya ng Santarosa Motorworks, Inc. Del Monte Motors Corp., Pilipinas Hino, Inc., at Almazora Motors. Mayroon na silang mga bus na gawa sa mga bansang Tsina at Korea gaya ng Yutong, King Long, Hyundai at Kia. Mayroon silang sariling planta na kung saan doon isinasaayos ang ilang mga lumang bus upang maging bago, lalong-lalo na ang ilan sa mga na-rebodied na ay mga Japayuki units.

Mula nang mamatay ang sole founder noong 2001, ipinasa ang pamunuan sa anak niyang lalaki, si G. Johnny Hernandez.

Noong 2007, inilunsad ang Deluxe class. Ito ay para lamang sa mga biyahe papuntang Baguio at Tuguegarao. At tinatayang mayroong 600 bus ang Victory Liner batay sa iba't ibang modelo hanggang sa nadagdagan na ito ng mga sumunod pang mga taon.

Sa unang bahagi ng taong 2011, ang Victory Liner ay nakapaglunsad na ng wireless internet o Wi-Fi na gawa ng Sun Cellular. Gaya ng JAC Liner, Inc. inaasahan ng kompanya na malalagyan ng Wi-Fi ang lahat ng mga bus hanggang sa matapos ang taon. Ito ay upang mabigyan ng magandang serbisyo at maiwasan ang pagkainip ng mga pasahero kahit mahaba o maigsi ang biyahe.

Mga Larawan baguhin

  •  
    Hyundai Universe Xpress Noble (deluxe)
  •  
    MAN 16.290
  •  
    Nissan Diesel
  •  
    Yutong ZK6122HD9
  •  
    DMMW DM16 Volvo B7R
  •  
    DMMW DM10 Hyundai Aero Express HSX

Mga Klase ng Pamasahe baguhin

  • Ordinary Fare (mga non-airconditioned buses)
  • Economy Fare (mga air-conditioned buses na ang sinisingil ay katulad ng sa ordinary fare)
  • Air Conditioned (may 45 at 49-seater na mga bus)
  • Deluxe (mga air-conditioned buses na may 31 passenger seats)
  • First Class (mga air-conditioned buses na ang seating capacity ay 29 passenger seats lamang; may palikuran at lababo; walang hinto ang biyahe)

Note: Ang Baguio First Class ay may stewardess, habang ang Cagayan/Isabela/Tabuk First Class ay walang stewardess.

Mga Destinasyon baguhin

Kalakhang Maynila baguhin

 
Kamias terminal

Mga Destinasyong Panlalawigan baguhin

 
Isang bus sa Double Happiness Bus Stop, Lubao, Pampanga

Mga Rutang Inter-Probinsiyal baguhin

Olongapo

  • Baguio (via Tarlac)
  • Balanga
  • Clark International Airport
  • Dau via SCTEX
  • Mariveles
  • Iba
  • Sta. Cruz
  • San Felipe
  • Cabanatuan via Tarlac/Dau (New Normal Trips)

Sta. Cruz

  • Alaminos
  • Baguio
  • Bolinao
  • Dagupan
  • Olongapo

Dagupan

  • Baguio
  • Bolinao
  • Clark International Airport
  • Roxas
  • Santiago
  • Sta. Cruz via Alaminos
  • Tuguegarao

Baguio

  • Olongapo via Tarlac
  • Dagupan via San Fabian/Agoo
  • Sta. Cruz via Alaminos
  • Bolinao
  • Tuguegarao (soon to operate)

Tuguegarao

  • Dagupan
  • Roxas
  • Santiago via Ilagan
  • Baguio (soon to operate)
  • Balanga
  • Clark (soon to operate)

Mga Dating Destinasyon baguhin

Mga Subsidiarya baguhin

Mga Sanggunian baguhin

  • Sixty Years, 2007, Victory Liner, Inc. - ang komprehensibo at kumpletong kasaysayan ng Victory Liner
  • 65th Anniversary, 2011, Victory Liner, Inc. - "Ang Tunay na Joyride"

Panlabas na ugnay baguhin

 
May kaugnay na midya tungkol sa Victory Liner ang Wikimedia Commons.
Kinuha sa "https://tl.wikipedia.org/w/index.php?title=Victory_Liner&oldid=2058677"