Buwan ng Wika

Isang buwang pagdiriwang na nakatuon sa mga wika sa Pilipinas

Ang Buwan ng Wika ay isang taunang pagdiriwang sa Pilipinas na ginaganap tuwing buwan ng Agosto. Ito ang pinalawig na pagdiriwang ng Linggo ng Wika na pinalawig noong Enero 15, 1997 sa pamamagitan ng Proklamasyong Bilang 1041 ni dating Pangulong Fidel V. Ramos. Kadalasang ipinagdiriwang ang Buwan ng Wika sa mga paaralan. Kaugnay nito, maraming mga kaganapan ang ginagawa upang ipagdiwang ito, gaya ng sabayang pagbigkas, balagtasan, paggawa ng slogan, paggawa ng mga sanaysay pagbigkas ng mga tula, pagsasayaw ng mga katutubong sayaw at pag-awit ng mga katutubong awit.

Mga mag-aaral na nakasuot ng tradisyonal na kasuotang Pilipino na gawa sa mga recycled na materyales bilang bahagi ng Buwan ng Wika

Kasaysayan baguhin

Walang iisang wikang sinasalita sa kapuluan ng Pilipinas nang dumating ang mga Kastila. May tatlong pangunahing wikang sinasalita sa kapuluan, ang Kapampangan, Ilokano, at Cebuano. Dahil ang mga wika sa Pilipinas ay magkakaugnay at madaling maunawaan ng mga katutubo, karamihan sa mga mananalita ng higit na maliit na wika ay nakapagsasalita ng dalawa o higit pang mga wika.

  Ang lathalaing ito na tungkol sa Pilipinas ay isang usbong. Makatutulong ka sa Wikipedia sa pagpapalawig nito.