Ang '''kawnti''' o '''kondado''' (mula sa Ingles na ''county'' at Kastilang ''condado'') ay isang pangalan para sa isang piraso ng [[lupain]]. Marami itong kahulugan sa iba't ibang wika. Orihinal na ikinakabit ito para tawagin ang isang lupaing napapailalim sa kapangyarihan, pagtaban, o pamumuno ng isang [[konde]] o kaya ng isang [[earl|erl]], isang opisyal na mas mataas ang ranggo kaysa [[biskonde]] subalit mas mababa ang antas kaysa sa isang [[marquis|markis]]. Sa kasalukuyan, kalimitan itong may ibig sabihing katumbas ng isang [[pook]] na nasa pagitan ng isang mas malaking [[estado]] at ng isang mas maliit na [[bayan]] o [[distrito]]. Nagpapanatili ang mga [[pamahalaan]] ng isang kawnti ng sarili nitong mga tala o rekord, at nagdaraos at nagsasaayos ng mga [[halalan]] at mga [[batas]].
Sa iba o mas malawak na diwa, itinuturing din itong katumbas ng isang [[lalawigan]] o [[probinsiya]], [[teritoryo]], [[rehiyon]], [[nayon]], pook, o [[dako]].<ref name=Bansa>{{cite-Bansa|''County''}}, makikita sa [http://www.bansa.org/dictionaries/tgl/?dict_lang=tgl&type=search&data=county ''county'']</ref>
