Pangulo ng Pilipinas: Pagkakaiba sa mga binago

Ang '''Pangulo ng Pilipinas''' ang pínakamataás na pinuno ng [[Pilipinas|Repúblika ng Pilipinas]]. Pinamúmunuan ng Pangulo ang Tagapágpaganáp na sangay ng pámahalaán, na kinabibilangan ng iba't ibang kágawaran, bawat isa'y pinamumunuan ng mga kalihim na inihirang ng Pangulo. Siya ang tumatayong Punong Kumander ng [[Sandatahang Lakas ng Pilipinas]].

 

Sang-ayon sa [[Konstitusyon ng Pilipinas#Kasalukuyang Saligang Batas (1987)|kasalukuyang Saligang Batas]], ang Pangulo ay nararapat na may gulang na 40 taón pataás, isang mámamayang Pilipino mulà kapanganakan, at nakatira sa Pilipinas sampung taón bago ng halalan. Tuwirang ihahalál ng mga Pilipino ang Pangulo na mananalo kung siya ang may pinakamaraming bilang ng boto. Nagsisilbi ang Pangulo ng isang término sa loób ng anim na taón at hindì na maaring tumakbó mulî sa súsunod na halalan, maliban kung nagíng Pangulo siya dahil sa pagkakahaliling konstitusyonal (Ingles: ''constitutional succession'') at nagsilbi ng hindì hihigít sa apat na taón bilang Pangulo.

 

Sa ilalim ng Artíkulo VII, Seksyon 5 ng Saligang Batas, bago makapagsimulà ang Pangulo sa pagtupad ng kanyang katungkulan ng kanyang tanggapan, dapat magsagawa ng Pangulo ang sumusunod na panunumpa o pagpápatotoo:

 

Nagkaroon ng dalawang Pangulo ang Pilipinas noong isang bahagi ng [[Ikalawang Digmaang Pandaigdig]] na kumakatawan sa dalawang magkatunggaling pámahalaán. Isa ay kay Quezon na kumatawán sa [[Komonwelt ng Pilipinas|Malasariling Pámahalaán]] at ang isa ay kay [[Jose Laurel|José P. Larel]], na kumatawán sa pámahaláng itinaguyod ng mga [[Hapon]]es.

 

{{clear}}