Pambansang Awit ng Mehiko: Pagkakaiba sa mga binago

'''Ang Pambansang Awit ng Mehiko''' (Espanyol: ''Himno Nacional Mexicano''), binansagang "Mga Mehikano sa sigaw ng digmaan" (Espanyol: ''Mexicanos, al grito de guerra''), ay isang pambansang awit ng Estados Unidos Mexicanos (Nagkakaisang Estadong Mehikano). Unang ginamit ang himnong ito noong 1854, bagamat hindi pa opisyal na pinagtibayang "de jure" hanggang 1943. Ang mga letra ng pambansang awit, na nagpapahiwatig sa mga makasaysayang pagtatagumpay ng mga hukbong [[Mehikano]] sa gitna ng pakikipaglaban at kabilang ang mga sigaw ng pagtatanggol sa lupang kanilang nsinilangan, ay nilikha ng isang makatang si [[Francisco González Bocanegra]] noong 1853. Noong 1854, nilikha ni [[Jaime Nunó]] ang musikang kasama na sa tula ni González. Ang pambansang awit na ito ay kinabibilangan ng sampung stanza at isang koro, na mabisang ginagamit noong ika-16 ng Setyembre, 1854.

Noong 1943, ang opisyal na mga titik na ginagamit sa pag-awit ay ang koro, unang saknong, ikalimang saknong, ikaanim na saknong at ika-10 saknong. Iniutos ng Pangulong [[Manuel Ávila Camacho]] ang pagsasaayos ng mga titik sa isang atas na nailathala sa Diario Oficial de la Federación. Nang tinugtog ang pambansang awit sa mga paligsahan gaya ng [[Olympics]], ang mga tutugtuging titik na maikakanta ay ang koro, unang saknong at muli ang koro. Ginagamit ang koro, una, at ika-10 saknong sa pagtugtog ng pambansan awit sa tuwing pagsisimula o pagtatapos ng pagsasahimpapawid sa radyo at telebisyon.