Crustacea: Pagkakaiba sa mga binago

Ang Subphylum '''Crustacea''' (tinatawag ang mga kasapi nito na ''crustacean'' [Ingles] o ''krustaseo'' [Espanyol: ''crustaseo'']) ay bumubuo ng isang napakalaking pangkat ng mga [[artropod]], na kinabibilangan ng hayop na [[alimango]], [[alimasag]], [[talangka]], [[dakumo]], [[katang]], [[ulang]], [[hipon]] ([[Caridea]]), [[kril]] at mga [[barnakulo]] (taliptip). Ang 67,000 nailarawan nang mga espesye ay sumasaklaw sa sukat na magmula sa katulad ng ''[[Stygotantulus|Stygotantulus stocki]]'' (0.1  mm o 0.004 pulgada), magpahanggang sa [[Japanese spider crab|gagambang alimango ng Hapon]] na may haba ng binti na umaabot sa 12.5 talampakan (3.8 m) at mayroong timbang na 44  lb (20  kg). Katulad ng iba pang mga artropod, ang mga krustasyano ay mayroong isang [[eksoskeleton]], na nalulugon (''ecdysis'' o ''moulting'') ng mga krustasyano upang sila ay lumaki. Maipagkakaiba ang mga krustasyano mula sa iba pang mga pangkat ng mga artropod, na katulad ng mga [[kulisap]], mga [[miryapod]] at [[Chelicerata]], sa pamamagitan ng pagkakaroon ng mga "sanga" o binting dalawa ang mga bahagi (''biramous'' sa Ingles), at sa pamamagitan ng hugis ng [[larbang krustasyano|larba]] na kahawig ng sa isang [[Nauplius (larba)|nauplius]].

[[Kategorya:KrustasyanoCrustacea| ]]