|
Si '''Rebecca Renee Black''' (ipinanganak ika-21 ng Hunyo 1997) ay isang Amerikanong mang-aawit ng ''pop'' na nagkamit ng malawakang atensyon ng medya dahil sa kanyang awiting "[[Friday_Friday (awit)|Friday]]". Ang kanyang ina ay nagbayad ng halagang $4,000 para sa naturang awitin at isang kaagapay na ''music video'' na ipinalabas bilang isang ''vanity release'' sa pamamagitan ng leybel pamplaka na ''ARK Music Factory''. Ang awit ay kapwa isinulat at ginawa ni Clarence Jey at Patrice Wilson ng ''ARK Music Factory''. Matapos kumalat at maging ''viral'' ng ''video'' sa [[YouTube]] at iba pang mga panlipunang medya, ang "Friday" ay inalipusta ng mga kritiko at mga manonood bilang "''the worst song ever''" o ang pinakamalalang kantang nilikha sa kasaysayan. Ang ''music video'' ay nakatanggap ng mahigit-kumulang sa 167 milyong mga ''views'', na nagsanhi upang makakuha si Black ng internasyonal na pamagat bilang isang "''viral star''," bago tuluyang alisin mula sa ''site'' noong ika-16 ng Hunyo 2011. Muling in''upload'' ni Black ang ''music video'' sa kanyang sariling ''channel'' makalipas ang tatlong buwan.
==Talambuhay==
Si Rebecca Black ay ipinanganak noong ika-12 ng Hunyo 1997. Ang kanyang mga magulang ay ang mga beterinaryong sina John Jeffery Black at Georgina Marquez Kelly. Siya ay may dugong Espanyol , Italyano, Ingles at ''Polish''. Bukod sa pagiging ''honor student'', si Black ay pormal na nag-aral ng pagsasayaw, nag-''audition'' para sa mga tampok na palabas sa kanyang paaralan, lumahok sa mga pangmusikang ''summer camps'', at nagsimulang kumanta sa publiko ng sumali sa makabayang grupo na ''Celebration USA''. Nang sumapit ang taong 2011, tumigil si Black sa pagpasok sa pampuplikong paaralan at sa halip ay nagpa-''homeschool'' na lamang bilang umano’y tugon sa mga pandiwang pang-aasar sa paaralan at upang tuluyan na ring mapokus ang atensyon sa umuusbong na karera. Itinatanggi ni Black na siya ay tumigil sa pagpasok sa paaralan dahil sa mga pandiwang pang-aasar at iginiit na ang kanyang karera ang pangunahing dahilan.
==Karera==
===Ark Music Factory at "Friday" (2010–2011)===
Noong 2010 isang kaklase ni Black ang nagbanggit sa kanya tungkol sa ''Ark Music Factory'', isang leybel pamplaka na nakabase sa ''Los Angeles''. Binayaran ng kanyang nanay ng $4,000 ang ''Ark Music Factory'' upang ilikha ang isang ''music video'' at upang maangkin ng mga Black ang mga legal na karapatan sa naturang ''video''. Ang awiting “Friday,” na buong isinulat ng ''Ark'', ay inilabas sa ''YouTube'' at ''iTunes''. Ang ''video'' ng kanta ay in''upload'' sa ''YouTube'' noong ika-10 ng Pebrero 2011 at nagkamit ng mahigit-kumulang 1,000 views sa unang isang buwan. Naging ''viral'' ang video noong ika-11 ng Marso 2011 nang humakot ito ng milyong-milyong ''views'' sa loob lamang ng iilang araw. Naging isa rin ito sa mga pinakapinag-uusapang paksa sa mga panlipunang medya tulad ng [[Twitter]] habang pulos pagtutuligsa at mga negatibong komento ang naaani nito. Noong ika-14 ng Hunyo 2011, ang ''video'' ay mayroon ng mahigit sa 3,190,000 na "''dislikes''" sa ''YouTube'' kung ikukumpara sa mahigit 451,000 na "''likes''." Ayon sa ''Billboard'', bumenta ng mahigit sa 40,000 na digital na kopya ang kantang “Friday” sa paunang lingo pa lamang mula ng ito ay ilabas. Sa ''The Tonight Show with Jay Leno'' noong ika-22 ng Marso 2011, inawit ni Black ang “Friday” at kanyang tinalakay ang mga negatibong reaksyonreaksiyon na nakukuha nito. Ang kanta ay nakaabot sa ika-53 na puwesto sa ''Billboard Hot 100'' samantalang naging ika-33 naman ito sa ''New Zealand Singles Chart''. Sa Britanya, ang kanta ay umabot sa ika-61 na puwesto sa ''UK Singles Chart''.
Si Black ay nakipagtrabaho sa site na ''Funny or Die'' para gumawa ng isang serye ng mga ''video'' na nagtatalakay tungkol sa kontrobersya ng mga kabataang ipinakitang nagmamaneho sa kanyang ''music video''. Minsan ding nabanggit ni Black na siya ay tagahanga ni [[Justin Bieber]] at ipinahayag ang kanyang pagnanais na maka-''duet'' ito.
Bilang resulta ng kanyang music video, nagsimulang makatanggap noong huling bahagi ng Pebrero 2011 ng mga banta sa buhay si Black. Ito ay kadalasang sa pamamagitan ng telepono at [[elektronikong liham]].Sa ngayon ang mga bantang ito ay sinisiyasat na ng ''Anaheim Police Department''.
Noong Marso 2011, naging balibalitang tinulungan umano ni Ryan Seacrest si Rebecca upang makakuha ng kontrata sa ''DB Entertainment'' na pag-aari ni Debura Baum.
Pinili si Black ng MTV upang i-host ang kanilang kauna-unahang ''online'' na palabas ng pagpaparangal na ''O Music Awards Fan Army Party'' noong Abril 2011. Bilang pagkatig sa awiting “Friday,” gumanap si Rebecca bilang ''hostess'' ng isang party sa music video ni [[Katy Perry]] na pinamagatang “Last Friday Night (T.G.I.F.).” Ang “Friday” ay itinampok din sa ikalawang season ng [[Glee (serye sa telebisyon)|Glee]] sa episodyong “Prom Queen” noong ika-10 ng Marso 2011. Nang tanungin sa kung bakit itinanghal ang awitin sa Glee, tinugon ni Ryan Murphy (tagapaglikha ng Glee) na, "''The show pays tribute to pop culture and, love it or hate it, that song is pop culture''."
===RB Records at paparating na album (2011-kasalukuyan)===
Matapos humiwalay sa ''Ark Music Factory'', inanunsyo ni Black na siya ay mag-uumpisa ng sariling leybel pamplaka na papangalanang RB Records. Sa pamamagitan ng RB Records, noong ika-18 ng Hulyo naglabas si Black ng kantang “My Moment” na may kasamang music video sa kanyang ''YouTube channel'': ang naturang video ay nakatanggap na ng mahigit-kumulang 590,000 "''dislikes''" kontra sa 340,000 "''likes''" noong ika-27 ng Nobyembre. Sa ''music video'' ng “''My Moment'',” itinampok ng direktor na si Morgan Lawley ang mga totoong buhay na ''video'' ni Black bago at matapos ang kanyang pagsikat.
Pinaplano ni Black na ipalabas ang kanyang opisyal na ''debut album'' sa loob ng Nobyembre 2011, kung saan ay sinabi niyang maipapasama ang "''a bunch of different kinds of stuff''." Inire''record'' ang naturang album sa studio na pagmamay-ari ng prodyuser na si Charlton Pettus. Sa isang interview sa ''The Sun'', sinabi ni Black na ang mga kanta ay magiging "''appropriate and clean''."
Noong ika-10 ng Agosto 2011, itinampok si Black sa episodyong “''Underage and Famous: Inside Child Stars' Lives''” ng palabas sa [[American Broadcasting Company|ABC]] na ''Primetime Nightline: Celebrity Secrets''.
Noong ika-i6 ng16 Setyembre, araw ng Biyernes, muling inupload ni Black ang “''Friday''” sa ''YouTube''. Noong huling bahagi ng Setyembre, dinala si Black sa [[Australya]] ng kompanyang ''Telstra'' upang isulong ang kanilang serbisyong ''4G''.
Noong ika-25 ng Oktubre, inanunsyo ni Black ang pagsisimulang i-''shoot'' ang kanyang paparating na ''music video'' para sa awiting “''Person of Interest''.” Sinabi ni Black na, "''My next single coming out is called 'Person of Interest.' The basis of it is that it's a love song but it's not a love song. It's about almost teenage crushes — when you're not in love yet but you really like a guy — which I'm really excited about because I don't think there are too many out like that. It's very much a dance type song. It will make you get up and dance and sing along in your car''." Isang tagatis ng opisyal na ''music video'' ang ''ipinost'' noong ika-3 ng Nobyembre. Nagpalabas si Black ng isa pang tagatis na may kasamang kapiraso ng kanyang awitin sa kanyang ''YouTube channel'' noong ika-10 ng Nobyembre. Ang kanta at kaagapay nitong ''music video'' ay nailabas noong ika-15 ng Nobyembre.
==Talaan ng mga awitin==
| 