Ang '''araling pampelikula''' (Ingles: '''''film studies''''') ay isang disiplinang pang-akademiya na humaharap sa sari-saring mga pagharap sa mga [[pelikula]] na [[teoriyang pampelikula|makateoriya]], [[kasaysayan ng pelikula|pangkasaysayan]], at [[kritisismong pampelikula|mapanuri]]. Paminsan-minsan itong ipinapailalim sa larangan ng [[araling pangmidya]] at kadalasang inihahambing sa [[araling pangtelebisyon]]. Hindi gaanong nakatuon ang araling pampelikula sa masulong na kadalubhasaan sa [[paggawa ng pelikula]] (produksiyon ng pelikula) kaysa sa paggalugad nito sa mga kinahihinatnan ng sinema na pangpagsasalaysay, pangsining, pangkultura, pang-ekonomiya, at pampulitikapampolitika.<ref>Dyer, Richard. "Introduction." Film Studies: Critical Approaches. Oxford: Oxford UP, 2000. 1-8. Print.</ref> Sa paghahanap para sa mga pagpapahalagang ito na panlipunan at pang-ideyolohiya, nagsasagawa ang araling pampelikula ng isang serye ng mahahalagang mga pagharap sa pagsusuri ng produksiyon, balangkas na pangteoriya, konteksto, at paglikha.<ref>Sikov, Ed. "Introduction." Introduction pg.1-4. Film Studies: an Introduction. New York: Columbia UP, 2010. Nakalimbag. [http://books.google.com/books?id=zbCK8ETCWzwC&printsec=frontcover&dq=film+studies&hl=en&ei=BwjJTJG1GsH7lwef1Yn3Ag&sa=X&oi=book_result&ct=result&resnum=8&ved=0CFYQ6AEwBw#v=onepage&q&f=false Google Books]</ref> Sa ganitong diwa, ang disiplina ng araling pampelikula ay umiiral bilang isang larangan kung saan ang guro ay hindi palagiang gumaganap bilang pangunahing tagapagturo; ang tampok na pelikula mismo ang nagsisilbi para sa ganiyang tungkulin. Gayundin, sa pag-aaral ng pelikula, kabilang sa mga maaaring maging mga karerang panlarangan ang panunuri o paggawa ng pelikula. Sa pangkalahatan, ang pag-aaral ng pelikula ay nagpapatuloy sa paglaki, katulad din ng industriya ng pelikula na pinagtutuunan nito. Kabilang mga sa mga babasahing naglalathala ng mga gawain sa araling pampelikula ang ''[[Screen (journal)|Screen]]'', ''[[Cinema Journal]]'', at ang ''[[Journal of Film and Video]]''.
