Liham ng pagtitiwala: Pagkakaiba sa mga binago

Ang '''liham ng pagtitiwala''' (Ingles: ''letter of credence'') o '''mga liham ng pagtitiwala''' (Ingles: ''letters of credence''), na tinatawag ding '''liham ng mga katibayan''' (Ingles: ''letter of credentials'', o mas tama bilang ''credentials'')<ref name=MW/><ref name=ED/>, na sa makatuwid ay "mga liham ng katibayan ng pagtitiwala" o "liham ng pagsusugo", ay isang pormal na [[liham]] o sulat, na karaniwang ipinadadala ng isang [[ulo ng estado]] sa isa pang pinuno ng estado, na pormal na nagbibigay o nagkakaloob ng [[akreditasyong diplomatiko]] (pagbibigay ng kapangyarihang pangdiplomasya) sa isang pinangalanang indibidwal o tao na maging [[embahador]] ng nagpadalang bansa sa tumatanggap na bansa. Kabaligtaran nito ang [[liham ng pagpapabalik]] (Ingles: ''letter of recall''). Ang mga liham na diplomatiko ay pangkalahatang nakasulat sa [[wikang Pranses]] (ang ''lingua franca'' o "tunay na wika" ng diplomasya), maliban na lamang sa kung ang mga bansa ay gumagamit ng magkatulad na wikang opisyal.

Ang '''mga kredensiyal''' (Ingles: ''credentials'') ay ang tawag sa mga liham ibinibigay sa isang embahador ng kaniyang pinuno ng estado, at nakatuon sa pinuno ng estado ng pupuntahan niyang bansa. Dinadala ito ng mga embahador sa pinuno ng estadong kapupuntahan nila habang nagaganap ang isang pormal na seremonya ng mga kredensiyal, na pangkalahatang nangyayari kaagad kapag dumating na siya sa kaniyang bagong puwesto. Hangga't hindi nagaganap ang seremonya, hindi siya pormal na kinikilala ng pinuntahang bansa, at hindi siya opisyal na makagaganap bilang isang embahador. Ang mga sulat na ito ay tinatawag na "mga liham ng pagtitiwala" dahil hinihiling ng mga ito sa tumatanggap na puno ng estado na ibigay ang "buong pagtitiwala" sa kung ano ang sasabihin ng embahador sa ngalan ng kaniyang pamahalaan.<ref name=ED>[http://www.ediplomat.com/nd/glossary.htm Glossary of Diplomatic Terms: Credentials, Letter of credence, Letter of recall], ediplomat.com</ref>