Araw ng Kalayaan: Pagkakaiba sa mga binago

Noong 5 Hunyo 1898, naglabas si Aguinaldo ng isang kautusan na nagtatakda sa 12 Hunyo 1898 bilag araw ng pagpapahayag ng kasarinlan. Pinamunuan ni Aguinaldo ang nasabing kaganapan sa kaniyang tirahan sa Kawit, Cavite na noon ay kilala bilang Cavite El Viejo. Ang ''Acta de la Proclamacion de la Independencia del Pueblo Filipino'' ay taimtim na binasa ng patnugot nito na si Ambrosio Rianzares Bautista, na nagsilbing tagapayo sa digmaan ni Aguinaldo at kaniyang espesyal na delegado. Ang kapahayagan na naglalaman ng 21 pahina ay nilagdaan ng 97 mga Pilipino, na tinalaga ni Aguinaldo, at isang retiradong opisyal ng artilerya ng hukbong Amerika na si Koronel L.M. Johnson. Ang watawat ay opisyal na winagayway sa unang pagkakataon bandang 4:20 ng hapon, habang pinapatugtog ng banda ng San Francisco de Malabon ang [[Lupang Hinirang|Marcha Nacional Filipina]].

 

 

Ngunit nabigo ang Pilipinas na kilalanin ng ibang bansa ang kaniyang kasarinlan, maging ng Estados Unidos o ng Espanya. Kinalaunan ay sinuko ng Espanya ang kapuluan ng Pilipinas sa Estados Unidos sa ilalim ng [[Kasundoan sa Paris]]. Hindi kinilala ng Pamahalaang Rebolusyonaryo ng Pilipinas ang kasunduan at kinalaunan ay [[Digmaang Pilipino-Amerikano|nagpahayag ng digmaan laban sa Amerika]].<ref>De Ojeda, Jaime. [http://www.loc.gov/rr/hispanic/1898/ojeda.html "The Spanish–American War of 1898: A Spanish View."] Library of Congress: Hispanic Division.</ref><ref>Koenig, Louis W. (1982). [http://www.jstor.org/stable/27547849 "The Presidency of William McKinley"] by Lewis L. Gould: Review. ''Presidential Studies Quarterly'', Vol. 12, No. 3: pg. 448.</ref>