Fe del Mundo: Pagkakaiba sa mga binago

Kasabay ng Pandaigdigang Digmaan ([[1941]]), nagboluntaryo si Dr. Fe sa [[International Red Cross]] sa [[Unibersidad ng Santo Tomas]]. Nang dumating ang mga Amerikano ([[1945]]), nagtatag sila ng mga ''Philippine Civilian Affairs Unit'' (PCAU) at kasama sa loob ng mga sundalong Pilipino nang galing sa [[Sandatahang Lakas ng Pilipinas]] at mga kumilalang puwersa ng mga gerilya sa mga ospital upang mangalaga sa mga nasasakuna sa digmaan. Ang PCAU-1 ay isa sa mga naglalakihang pavilion ng ''[[National Mental Hospital]]'' sa [[Lungsod ng Mandaluyong|Mandaluyong, Rizal]]. Samantalang ang PCAU-5 ay sa Lincoln Elementary School sa Avenida España. Daandaang biktima ng digmaan ang ginamot at naalagaan doon. Hindi nagtagal, ito ay naging North General Hospital (NGH), kung saan si Dr. Fe ang natalagang maging director nito hanggang mapalitan siya ni Dr. [[Jose Reyes|Jose R. Reyes]] ([[1948]]). Ang ospital ay nalipat sa bakuran ng San Lazaro sa Avenida [[Jose Rizal|Rizal]] ([[1957]]) at pinangalanang Dr. Jose R. Reyes Memorial Hospital.

 

Ang kawalan ng mga kagamitan at laboratoryo sa Pilipinas hindi naging hadlang kay Dr. Fe upang patuloy na magsaliksik. Matiyaga niyang ipinadadala sa [[New York]] (para sa polio), sa [[London]], (para sa tigdas), sa [[Switzerland]] (para sa rubella) at sa bansang [[Hapon]] (chickenpox) ang mga specimen. Sa kanyang pag-aaral sa libo-libong mga bata mula sa iba't ibang parte ng bansa ([[1941]]), napag-alaman niya na ang mga bata pala ay maaaring immune o higit na mahina ang panlaban (susceptible) sa ilang mga sakit. Ito ang naging panuntunan kung ilang taon ba dapat bigyan ng bakuna ang isang sanggol upang higit na magkabisa ito.