Ang '''Netherlands Antilles''' o '''Antilyas ng Nederlands''', ay isang pangkat ng mga pulong binubuo ng mga Pulong Leeward ng [[Curacao]], [[Aruba]] at [[Bonaire]] sa may dalampasigan ng [[Venezuela]], at ng mga Pulong Windward ng [[San Eustatius, Saba|San Eustatius]], [[Saba (pulo sa Karibe)|Saba]], at bahagi rin ng San Martin sa silangan ng [[Portoriko]]. Pinamamahalaan mula sa Kurasaw, nasakop ng mga Olandes ang kapuluan noong 1634. Naging nagsasarili at bahagi ng [[Kaharian ng Nederlands]] ang mga pulo noong 1954. Nagkaroon ito ng panloob ng sariling pamahalaansa pamamagitan ng [[gubernador]] at nahalal na [[lehislatura]]. Hinahango ang kinikitang salapi nito mula sa mga pabrika o repinarya ng mga langis at industriyang pangturismo. Kabilang sa mga wikang ginagamit sa '''Antilyas ng Nederlands''' o '''Nederlands Antiles''' ang [[wikang Olandes|Olandes]], [[wikang Kastila|Kastila]], [[wikang Ingles|Ingles]], at ang magkakahalong katutubong wikang [[wikang Papiamento|Papyamento]].<ref name=NBK>{{cite-NBK|''Netherlands Antilles''}}, ''Dictionary Index'' para sa titik na ''N'', pahina 439.</ref>
