|
[[Talaksan:Antonio de Pereda - The Knight's Dream.JPG|300px|right|thumb|"''The Knight's Dream''" (Ang Panaginip ng Kabalyero) ni [[Antonio de Pereda]]]]
Ang mga '''panaginip''' ay sunud-sunod na imahen, ideya, emosyon, at pakiramdam na madalas at hindi sinasadayng nangyayari sa utak sa iba't ibang lebel ng pagtulog. Ang nilalaman ng panaginip ay hindi pa nabibigyan ng buong kahulugan, ngunit sila ay naging usapin na sa kuru-kurong makaagham. Sa larangan ng kasaysayan, naging interes na rin ang mga panaginip sa mga usapan tungkol sa pilosopiya at relihiyon. Ang makaagham na pag-aaral ng mga panaginip ay tinatawag na <nowiki>''</nowiki>oneirology<nowiki>''</nowiki>.
Ang '''panaginip''' ay ang pansariling karanasan ng mga guni-guning imahen, tunog/tinig, pag-iisip o pakiramdam habang [[tulog]], kadalasang di kusa. May kaugnayan ang panaginip sa mabilisang paggalaw ng mata (''[[rapid eye movement]]'' (REM) sa [[Ingles]]) habang natutulog, isang magaang anyo ng pagtulog na nangyayari sa bandang huling bahagi ng pagtulog, na kinikilala sa mabilisang pahigang paggalaw ng mata, pagpukaw ng [[pons]], pagtaas ng bilis ng paghinga at pagtibok ng [[puso]], at pansamantalang pagka-baldado ng [[katawan]]. Maaari din na mangyari ito sa ibang bahagi ng pagtulog, bagaman hindi ito masyadong pangkaraniwan. Inaakalang may kaugnay ang ''[[hypnogogia]]'', na nangyayari ng kusa habang papalapit sa malalim na pagtulog, sa panaginip.
Madalas nangyayari ang mga panaginip sa REM (rapid-eye movement) na baitang ng pagtulog, kung kailan tila parang gising lang din ang utak. Makikita ang REM sa tuluy-tuloy na galaw ng mata tuwing tulog ang tao. Maaari din namang sa ibang lebel ng pagtulog mangyari ang panaginip, ngunit ang mga panaginip na ito ay madalas hindi gaanong naaalala ng tao.
Isang [[wika]] ng guni-guning larawan ang panaginip. Mula sa karaniwan hanggang sa walang kabuluhan ang guni-guning larawang ito; sa katotohanan, kadalasang nag-uudyok ang mga panaginip na ito ng artisiko at ibang mga anyo ng inspirasyon. Kabilang sa mga anyo ng panaginip ang mga nakakatakot o nakakabalisa na [[bangungot]] at mga erotikong panaginip kasama ang mga [[seks]]wal na larawan at [[panggabing paglalabas]].
Ang haba ng isang panaginip ay nag-iiba mula sa ilang segundo lamang hanggang sa 20=30 minutos. Mas naaalala ng tao ang kanyang panaginip kung nagising siya sa REM na baitang ng kanyang pagtulog. Madalas nagkakaroon ng tatlo hanggang limang panaginip ang tao gabi-gabi, at mayroong umaabot ng hanggang pito, ngunit marami sa mga panaginip ay mabilis malimutan. Ang mga panaginip ay humahaba kasabay ng paglalim ng gabi. Sa kabuuang walong oras ng pagtulog, marami sa mga panaginip ay nangyayari sa dalawang oras na itinatagal ng REM.
Naniniwala ang karamihan sa mga siyentipiko na nangyayari ang mga panaginip sa lahat ng tao na may katumbas na kalimitan bawat halaga ng tulog.<ref>{{cite web | title=''How Dreams Work'' | url=http://health.howstuffworks.com/dream3.htm | work = Lee Ann Obringer | publisher=How Stuff Works | date= | accessdate=2009-04-15}}</ref> Kung gayon, kung nararamdaman ng mga indibiduwal na di sila nanaginip o mayroon silang isang panaginip sa isang gabi, dahil ito sa pagkupas ng kanilang alaala sa panaginip. Matatagpuan ang "pagbubura ng alaala" na ito sa aspeto ng kalagayan ng panaginip kapag nagising ang isang [[pagkatao|tao]] sa pamamagitan ng maayos na pagpalit mula sa REM na pagtulog hanggang sa delta na pagtulog hanggang sa paggising. Kung nagising ang isang tao mula sa REM na pagtulog (halimbawa sa isang [[orasan]] na panggising), malamang na matadaan nila ang panaginip mula sa panahon ng REM na iyon (bagaman malamang di matandaan lahat ng panaginip dahil nangyayari ito sa mga panahon ng REM, na naabala sa mga panahon ng delta na pagtulog na nagiging dahilan ng pagkupas ng alaala ng nakaraang mga panaginip.)
Positibong natiyak na nangyayari ang totoong panaginip sa mga ''[[Homo sapiens]]'', ngunit marami ang naniniwala na nanaginip din ang ibang uri ng mga hayop. Tiyak na dumadaan sa REM na pagtulog ang mga hayop, ngunit mahirap na tukuyin ang kanilang pansariling karanasan.<ref>{{cite web| year = 2003| title = ''The Evolution of REM Dreaming''| url = http://www.improverse.com/ed-articles/richard_wilkerson_2003_jan_evolution.htm| accessdate = 2008-08-27}}</ref> Ang [[armadilyo]] ang may pinakamahabang panahon ng REM na pagtulog. Tila ang mga [[mamalya]] lamang, o pinakamadalas, na nanaginip nang likas, na marahil na may kaugnay sa kanilang mga katangian sa pagtulog.
== Mga sanggunian ==
| 