Sa mitolohiyang Griyego, si Hades naang diyos ng Mundong Ilalim, ay isang anak na lalaki ng mga Titan na sina Cronus at Rhea. Mayroon siyang tatlong kapatid na babae, si [[Demeter]], si [[Hestia]], at si [[Hera]], pati na rin dalawang kapatid na lalaki, si Zeus, ang bunso sa tatlo, at si Poseidon. Sa pag-abot ng karampatang gulang, napilit ni Zeus ang kanyang amang iluwa ang kanyang mga kapatid. Pagkatapos ng kanilang pagpapakawala, ang anim na nakababatang mga diyos, kasama ang mga kaalyadong natipon nila, hinamon nila ang mga nakatatandang mga diyos para sa kapangyarihan sa Titanomachy, isang banal na digmaan. Ang digmaan ay tumagal ng sampung taon at natapos sa tagumpay ng mga nakababatang mga diyos. Kasunod ng kanilang tagumpay, ayon sa isang iisang sikat na talata sa [[Iliad]] (xv.187-93), si Hades at ang kanyang dalawang kapatid na lalaki, sina Poseidon at Zeus, ay tumaya para sa mga kahariang mapapamahalaan. Natanggap ni Zeus ang kalangitan, natanggap ni Poseidon ang mga dagat, at natanggap ni Hades ang Mundong Ilalim, ang hindi nakikitang kaharian na kung saan pumupunta ang kaluluwa ng patay sa pagalis sa mundo, pati na rin ang anuman at lahat ng mga bagay sa ilalim ng lupa.
