Ang '''sukdulan'''<ref name=Gabby>{{cite-Gabby|Orgasm, climax}}</ref> o '''kahanganankasukdulan''' ay ang rurok o kalubusang nadarama ng mga [[nagtatalik]] o magkasiping sa proseso ng [[pagtatalik]]. Nagaganap ito kapag [[nilabasan]] o nagpulandit na ang [[titi]] ng [[lalaki]] ng [[punlay]] o [[tamod]], at kapag nakaranas naman ang isang [[babae]] ng pamamasa ng [[puke|ari]] kapag [[nilalabasan]] ito. Tinatawag din itong '''orgasmo'''.<ref name=Gabby/> Nilalarawan ang kaganapang ito bilang panahon ng "matinding kaligayahan at pagkaraos" na nararamdaman sa kasagsagan, karurukan, o kulminasyon ng pakikipagtalik. Nagaganap din ang pagdating sa sukdulang ito sa [[masturbasyon]]. Ayon kina Morton Harmatz at Melinda Novak mula sa kanilang aklat na ''Human Sexuality'' ang orgasmo ay ang maiksi at matinding yugtong kaaya-aya kapag napakawalan o nailabas ang tensiyon o kaigtingang seksuwal na nalikha ng [[basokonhestiyon]] at ng [[myotonia]] (kawalan ng kakayahan na maipahinga ang muskulong nagkukusa o boluntaryo pagkaraan ng pagsisikap na may kasiglahan).<ref name=HS>"Orgasm" at "Orgasmic". Harmatz, Morton G. at Melinda A. Novak. Glossary, ''Human Sexuality'', Harper & Row Publishers, New York, 1983, pahina 564.</ref>
Ang katagang '''orgasmiko''' ay tumutukoy sa pangatlong yugto ng pagtugong seksuwal ng tao, kung saan nagaganap ang orgasmo.<ref name=HS/>
