Lansangang-bayang Aguinaldo

Ang Lansangang Aguinaldo (Ingles: Aguinaldo Highway), na kilala din bilang Cavite-Batangas Road at Manila West Road, ay isang lansangang panlalawigan na may anim na linya at haba na 41.4 kilometro (25.7 milya) at dumadaan sa mga pinaka-abalang bayan at lungsod sa lalawigan ng Kabite, Pilipinas. Ito ang pinaka-maabala at pinaka-matrapik sa mga tatlong pangunahing lansangan sa lalawigan (ang dalawang iba pa ay Governor's Drive at Lansangang Antero Soriano.

Mapa ng Kabite na nagpapakita ng kahabaan ng Lansangang Aguinaldo.

Lansangang Aguinaldo patimog patungong Abenida Nueno sa Imus.

Ang hilagang dulo ng lansangan ay sa Las Piñas sa Kalakhang Maynila. Dadaan ito sa Bacoor, Imus, Dasmariñas, Silang, at magtatapos ito sa Tagaytay. Isang bahagi ng Daang Radyal Blg. 2 ng sistemang pamilang ng mga daan sa Kamaynilaan ang lansangan.

Pinangalanan ang lansangan mula kay Heneral Emilio Aguinaldo, ang unang pangulo ng Pilipinas.

Paglalarawan ng ruta

Lansangang Aguinaldo patimog patungong Daang Congressional sa Dasmariñas.

Nagsisimula ang Lansangang Aguinaldo bilang tagapag-patuloy ng Abenida Diego Cera at Tulay ng Zapote. Magiging isang daang anim ang mga linya ang lansangan paglampas ng Bulebar Molino (na papuntang Molino at Bulebar Aguinaldo na kumokonekta sa Manila–Cavite Expressway. Pabagtasin naman nito ang Lansangang Tirona na papuntang Kawit at Lungsod ng Cavite. Dadaan naman ito sa Imus at papasukin nito ang Dasmarinas, kung saan kikipot ito hanggang sa maging apat ang mga linya nito at kung minsa'y nagiging lansangang hinahatian sa gitna sa ilang bahagi nito. Pagkaraan, babagtasin naman nito ang Governor's Drive sa Baranggay Palapala.

Paglampas ng Palapala, magsisimula na itong umakyat patungong Tagaytay, at dadaan ito sa Silang. Sa Tagaytay Rotunda, babagtasin nito ang Daang Tagaytay–Calamba, (na kumokonekta sa Daang Santa Rosa–Tagaytay patungong Santa Rosa, Laguna) at Daang Tagaytay–Talisay (isang daang sigsag na dumadaan sa pababang dalisdis patungong Talisay, Batangas. Mayamaya, tutuloy ang lansangan pakanluran bilang bahagi ng Daang Tagaytay–Nasugbu patungong Nasugbu sa pamamagitan ng Palico. Ang bahagi ng Daang Tagaytay–Nasugbu mula Tagaytay Rotunda hanggang Mendez Crossing ay kinaratulang "Aguinaldo Highway". Dadaan ito malapit sa Parokya ng Our Lady of Lourdes, Leslie's, Josephine, Robinsons Summit Ridge, Sky Ranch, at Taal Vista Hotel bago ito matapos sa Mendez Crossing.

Tignan din

• Transportasyon sa Pilipinas
• Kagawaran ng Pagawaing Bayan at Lansangan (Pilipinas)
• Bulebar Roxas
• Manila–Cavite Expressway
• Daang Radyal Blg. 2

Mga ugnay panlabas

• Map