Abenida Julia Vargas: Pagkakaiba sa mga binago

Content deleted Content added
JWilz12345 (usapan | ambag)
Nilikha, hango sa en:Julia Vargas Avenue.
(Walang pagkakaiba)

Pagbabago noong 03:31, 2 Nobyembre 2016

Ang Abenida Doña Julia Vargas (Ingles: Doña Julia Vargas Avenue) ay isang pangunahing daan ng Lundayang Ortigas sa Kalakhang Maynila, Pilipinas, na dumadaan mula silangan pa-kanluran. Isa itong abenidang hinahatian sa gitna ng pangitnang harangan at may anim na linya na dumadaan kalinya ng Abenida Ortigas sa hilaga at Bulebar Shaw sa timog. Sumasaklaw ito sa 2.3 kilometro (o 1.4 milyang) ruta mula Abenida Eulogio Rodriguez Jr. (ng C-5) sa Ugong, Pasig sa silangan hanggang Abenida Epifanio de los Santos (o EDSA) sa Wack-Wack Greenhills, Mandaluyong sa kanluran. Walang salubong na pakanluran ang daloy ng trapiko sa bahagi ng abenida mula Abenida ADB/San Miguel hanggang sa kanlurang dulo nito sa EDSA.

Pang-maagang-hapong trapiko sa Abenida Julia Vargas.
Ang sangandaan ng abenida sa Daang F. Ortigas Jr. (dating Emerald Avenue)

Pinangalanan ito kay Doña Julia Vargas y Camus vda. de Ortigas, isang pilantropo at asawa ni Don Francisco Ortigas y Barcinas na nagtatag ng Ortigas & Company Limited Partnership na namamay-ari sa lupaing Hacienda de Mandaloyon kung saan itinayo ang Lundayang Ortigas.[1][2]

Mga sanggunian

  1. "About OCLP". Ortigas & Company Limited Partnership. Nakuha noong 15 Oktubre 2013.
  2. "Tableau: encyclopedia of distinguished personalities in the Philippines". Ortigas Foundation Library. Nakuha noong 15 Oktubre 2013.

Mga koordinado: 14°35′3″N 121°4′3″E / 14.58417°N 121.06750°E / 14.58417; 121.06750