Babilonya: Pagkakaiba sa mga binago

Ang '''Babilonya''' o '''Babilonyan'''<ref name=Biblia>{{cite-Biblia|Babilonia}}</ref> ay isang makasaysayang estadong lungsod na naging imperyo sa [[Gitnang Silangan]]. Isa itong pangunahing lungsod sa sinaunang [[Mesopotamya]] sa masaganang kapatagan sa pagitan ng Ilog Tigris at Euphrates . Bago ito naging estadong lungsod, ang Babilonya ay isang maliit na Semitikong Akkadong lungsod noong panahon ng [[Imperyong Akkadio]] noong humigit-kumulang 2300 BK.

Matatagpuan ang labi nito sa pangkasalukuyang-panahong Al Hillah, Lalawigan ng Babil (Gubernaturang Babil), sa [[Irak]], mga 85 kilometro (55&nbsp;mi) sa timog ng [[Baghdad]]. Ang matandang lungsod na ito ng Mesopotamya (ang Irak ngayon) ang kabiserang lungsod ng [[Babilonya (estado)|Babilonya]]. Nabanggit sa unang pagkakataon sa kasaysayan ang lungsod noong ika-24 daantaon BK. Sa kabuoan ng kasaysayan nito, humina ang kapangyarihang angkin ng Babilonya.

Sa [[Bibliya]], pagkatapos ng kamatayan ni Haring Solomon nilusob at sinira ng mga Babilonyan, na pinangungunahan ni Nebuchadnezzar, ang [[Jerusalem]], at nagtangay din sila ng maraming mga mamamayang ginawang mga bihag. Sa kalaunan, naging sagisag sa mga pahina ng Bibliya ang Babilonya na anumang makapangyarihan at makasalanang lungsod, o maging ng anumang gawing pangkaisipan na laban at labag sa kalooban ng Diyos.<ref name=Biblia6>{{cite-Biblia6|''Babylon'', ''Babylonians'', Dictionary/Concordance, pahina B1}}</ref>