Facebook: Pagkakaiba sa mga binago

 

Ang '''Facebook''' (literal na "aklat ng [mga] mukha") ay isang [[social networking website]] na libre ang pagsali at pinapatakbo at pag-aari ng Facebook, Inc. na isang pampublikong kompanya. Maaaring sumali ang mga tagagamit dito nakaayos ayon sa [[lungsod]], pinagtratrabahuan, [[paaralan]] at rehiyon upang makakonekta at makihalubilo sa ibang mga tao. Maaaring magdagdag rin ng mga kaibigan at magpadala ng mensahe sa kanila, at baguhin ang kanilang sariling sanaysay upang ipagbigay-alam sa kanilang mga kaibigan ang tungkol sa kanilang sarili. Tumutukoy ang pangalan ng website na ito sa mga mukhang nasa [[aklat]] na [[papel]] (''paper facebooks'') na sinasalarawan ang mga kasapi ng isang kampus na pamayanan na binibigay ng ilang [[kolehiyo]] at preliminaryong paaaralan sa [[Estados Unidos]] sa mga papasok na mga mag-aaral, guro o propesor, at mga trabahador bilang isang paraan na makilala ang ibang tao sa kampus.

 

Itinatag ni [[Mark Zuckerberg]] ang Facebook kasama ang kaklase niya sa [[agham pangkompyuter]] at kasama sa kuwartong sina [[Dustin Moskovitz]] at [[Chris Hughes (Facebook)|Chris Hughes]] habang mag-aaral pa siya ng Pamantasan ng Harvard.<ref name="companybios">[http://www.new.facebook.com/press/info.php?execbios= "Talumbuhay ng mga Ehekutibo"], Facebook. Kinuha noong Agosto 16, 2008.</ref> Noong una, limitado ang pagsapi sa website na ito sa mga mag-aaral ng Harvard, ngunit lumawak ito sa ibang mga kolehiyo sa [[Boston]], ang Ligang Ivy at Pamantasan ng Standford. Nang kalaunan, lumawak pa ito at napabilang ang kahit sinong mag-aaral ng isang pamantasan, pagkatapos [[mataas na paaralan]] at, nang tumagal pa, kahit sinong nasa gulang na 13 pataas. Sa kasalukuyan, mayroon na ang Facebook ng mahigit sa 200 [[milyon]]g aktibong tagagamit sa buong mundo.<ref>[http://www.facebook.com/press/info.php?statistics "''Mga estadistika ng Facebook''"]. Kinuha noong [[Enero 9]], 2009.</ref>