:''Para sa lathalaing ukol kay Tamerlane, tingnan ang [[Timur]].''
Ang '''Demokratikong Republika ng Timor-Leste''' (bigkas /<u>ch</u>i·mór lé<u>sh</u>·<u>ch</u>i/), o '''Silangang Timor''', ay isang bansa sa [[Timog-Silangang Asya]]. Binubuo ito ng silangang hati ng [[pulo]] ng [[Timor]], ng mga kalapit na pulo ng [[Atauro]] at [[Jaco]], at [[Oecusso-Ambeno]], isang ''[[enclave]]'' ng kanlurang Timor sa kanlurang bahagi ng pulo, pinaliligiran ng [[Kanlurang Timor]].
Sakop noong ika-16 dantaon ng [[Portugal]] ang Silangang Timor, at tinatawag bilang Portuges na Timor hanggang sa matapos ang papanakop nito. Noong huling bahagi ng 1975, inihayag ng Silangang Timor ang kanilang kalayaan, subalit sinakop ng karatig bansang [[Indonesia]] at inihayag bilang kanilang ika-27 lalawigan nang sumunod na taon. Ang Silangang Timor ay humiwalay noong 1999 at nakamit nito ang ganap na kalayaan noong Mayo 20, 2002. Nang sumali ang Silangang Timor sa [[Mga Nagkakaisang Bansa]] noong 2002, napagpasyahan nilang gamiting opisyal ang pangalan nito sa [[Wikang Portuges|Portuges]] na ''Timor-Leste'', at hindi ang pangalan nito sa [[Wikang Ingles|Ingles]] na “East Timor”. Isa sa dalawang bansa sa buong Asya ang Silangang Timor na may nakakahihigit na bilang ng [[Katolisismo|Katoliko]], sunod sa [[Pilipinas]].
