Kaaya-ayang pangangatawan: Pagkakaiba sa mga binago

Magmula pa noong sinaunang mga panahon, katulad ng nakikitang nilalarawan sa mga inukit na istatuwa ng mga atletang lalaki mula sa [[sinaunang Gresya]], isa sa mga katangian ng katawan ng lalaki ang pagkakaroon ng impis o patag at may "tabas" na [[puson]] o [[puson|tiyan]], partikular na ang tinatawag na pagkakaroon ng "anim na pakete" sa puson. Natatamo ang ganitong hitsura ng puson sa pamamagitan ng pagsasagawa ng mga ehersisyong nakapagpapaimpis ng rehiyon ng tiyan habang nagbibigay-pansin sa pang-ibaba, panggitna, at pang-itaas na mga bahagi ng puson, pati na ang mga ehersisyong "nakakatabas" ng mga tagiliran ng [[balakang]] na nakapagdurulot ng tingin o dating na pagkakaroon ng makipot na balakang. Kasama sa gawaing ito ang paggamit tamang paraan, katulad ng labinlimang pag-uulit o repetisyon ng isang ehersisyong wasto ang pagsasagawa. Nakakamit din ang ganitong puson kapag nawala o mababa na ang antas ng [[taba sa katawan]], sa pamamagitan ng tumpak na [[nutrisyon]], epektibong pagsasanay na pampuso o pangkardyo, at natatanging mga paraang nakapagpapataas ng metabolismo (ang bilis ng "pagsusunog" ng taba sa katawan). Isa pang dahilan ng pagkakaroon ng ganitong wangis ng tiyan ang pagpapa-impis ng puson mula sa loob ng katawan, na naisasagawa sa pamamagitan ng paggamit ng [[diyeta]], pagkamit ng mahabang tulog, pag-inom ng mga suplemento, matinding ehersisyo, natatanging mga tekniko sa paghinga at paghilot ng mga [[bituka]] o [[lamang loob]].<ref>Hallale, Nick. <!--[http://ezinearticles.com/?A-Grecian-Ideal-Physique-Needs-Ideal-Abs!&id=2473203--> ''A Grecian Ideal Physique Needs Ideal Abs!'', ezinearticles.com</ref><ref>Eric, [https://www.approachingfitness.com/the-ultimate-guide-on-body-recomposition/ Ang Pinakamahusay na Gabay sa Pagbabago ng Katawan] approachingfitness.com</ref>