Kristiyanismo: Pagkakaiba sa mga binago

==== Mga iba't ibang doktrina ====

===== Kalikasan ng diyos =====

*[[Trinitarianismo]]: Ang trinitarianismo ang paniniwala sa isang [[diyos]] na may tatlong persona. Ang tatlong personang ama, anak at espirito santo ay natatangi ngunit kapwa umiiral sa pagkakaisa at magkakatumbas na substansiya (ὁμοούσιοι). Ang mga sektang naniniwala sa doktrina ng Trinitarianismo ay kinabibilangan ng [[Simbahang Katoliko Romano]], [[Simbahang Silangang Ortodokso]], [[Protestantismo]], [[Anglikanismo]] at marami pang iba. Taliwas sa paniniwala ng [[Simbahang Katoliko Romano]], ang [[Simbahang Silangang Ortodokso]] ay naniniwala sa monarkiya ng Ama na nagsasaad na ang Anak at Banal na Espirito ay hinango mula sa Ama at ang Ama ang natatanging walang pinagmulan o sanhi. Ayon sa [[Silangang Ortodokso]], ang Ama ay walang hanggan at hindi nalikhang realidad. Si Kristo at Banal na Espirito ay walang hanggan rin at hindi nalikha sa dahilang ang kanilang pinagmulan ay hindi sa ousia ng Diyos kundi sa hypostasis ng Diyos na tinatawag na Ama. Ayon sa Katekismo ng Silangang Ortodosko, ang pananaw na ito ay minsang maling nauunawaan ng mga Kristiyano ng Simbahang Kanluranin na isang subordinasyonismo ngunit ito ay hindi tamang mailalapat sa katuruan ng Silangang Ortodokso dahil masasabing ang Ama ay nakasalalay sa Anak upang matawag na Ama. Sa Romano Katoliko, ang Banal na Espirito ay nagmula nang pantay mula sa parehong Ama at Anak.

*[[Hindi-Trinitarianismo]]: Ang mga sekta ng Kristiyanismo na tumatakwil sa konsepto ng [[Trinitarianismo]]. Ito ay kinabibilangan ng [[Subordinasyonismo]], [[Arianismo]], [[Modalismo]] at sa modernong panahong ay mga [[Saksi ni Jehovah]], [[Oneness Pentecostalism]], [[Unitarianismo]] at marami pang iba.