Madara Uchiha: Pagkakaiba sa mga binago

Si Madara ay dating lider ng angkan ng Uchiha. Noong kabataan niya ay nakilala niya ang batang nagngangalang Hashirama. Naging matalik silang magkaibigan at madalas nagsasanay sila ng iba't ibang techniques para mas maging malakas sila. Tinapos ni Madara ang pagkakaibigan nila ng madiskubre niya na si Hashirama ay galing sa angkan ng Senju (kaaway ng angkan ng Uchiha sa mahabang panahon). Magmula noon ay madalas silang nagtutuos ni Hashirama. Matapos mabigo sa maraming pagtatangka upang talunin ang kanyang karibal, ay tinanggap na ni Madara ang alok ni Hashirama na handog para sa kapayapaan (peace offering). Itinatag nila ang bayan ng Konohagakure (Bayan sa Lingid na Dahon) at naging unang Hokage si Hashirama. Ngunit ang pananaw ni Madara sa kapayapaan ay naiiba sa pananaw ni Hashirama. Dahil dito ay nagdesisyon siya na umalis sa bayan ng Konoha. Pagbalik niya ay hinamon niya ulit si Hashirama ng pagtutuos sa "Valley of the End." Natalo si Madara sa labanang ito ngunit nakaligtas siya at nagtago sa malayong lugar. Dito niya binuo ang kanyang plano na pagisahin ang sangkatauhan sa pamamagitan ng isang ilusyon (Mugen Tsukuyomi). Matandang matanda na siya ng lumitaw ang kanyang matang Rinnegan. Dahil dito inilipat niya ang mga mata niya kay Nagato at ginawang kanang kamay si Obito Uchiha. Bago siya mamatay ay ipinagkatiwala niya kay Obito ang kanyang pangalan

Nagbalik muli si Madara bilang isang ''reanimation'' noong ikaapat na digmaang pandaigdig ng mga ninja. Matapos talunin ang lahat ng mga puwersang ninja at 5 Kages ay muli silang nagkasama ni Obito. Nabuhay muli si Madara matapos nitong gamitin ang ''Gedō — Rinne Tensei no Jutsu'' kay Obito. Tinalo at kinulong niya ang lahat ng mga halimaw na may maraming buntot (tailed beasts) upang magbuhay ulit ang halimaw na may sampung buntot (Ten-tails) para ikulong ito sa katawan niya. Bago mapatay ni Madara lahat ng mga kalaban niya ay kinompronta siya nina Naruto at Sasuke. Nakatakas si Madara sa kanila at nakuha niya ang kanyang matang Rinnegan kay Obito. Pagdating ni Madara ay isinagawa na niya ang Mugen Tsukuyomi na kung saan ang lahat ng tao sa mundo ay nakulong sa isang ilusyon o panaginip. Di kalaunan ay tinaraydor siya ni Black Zetsu at si Madara ay naging si Kaguya Ōtsutsuki. Pagkatalo ni Kaguya sa kamay nila Naruto, Sasuke, Sakura, at Kakashi ay naibalik ulit si Madara ngunit siya ay nasa bingit na ng kamatayan dahil sa pagkatangal ng halimaw na may sampong buntot sa kanyang katawan. Bago siya mamatay ay tinanggap niya lahat ng mga pagkakamali niya at nakipagkasundo ulit kay Hashirama.