[[Talaksan:SakastanMap.jpg|thumb|300px|Makikita sa mapang ito ng Sarkastan bandang 100 {{Abbr|BK.|bago Karaniwan}} ang lambak ng Fergana (nakabaybay rito bilang "''Ferghana''").|alt=Makikita sa mapang ito ng Sarkastan bandang 100 BK. ang lambak ng Fergana (nakabaybay rito bilang "Ferghana").]]
Isang kababawan (''depression'') sa gitna ng kabundukan ang lambak ng Fergana. Nasa pagitan ito ng kabundukan ng Tien Shan sa hilaga at Gissar-Alai sa timog. Tinatayang 300 kilometro (190 milya) ang haba nito, at umaabot naman ang lawak hanggang 70 kilometro (43 milya). May kabuuang lawaksukat itong 22,000 kilometro kuwadrado (8,500 milya kuwadrado). Dahil sa posisyon nito, itinuturing itong isang hiwalay na sonang heograpikal (''geographic zone''). Ang kasanagan nito ay dulot ng dalawang ilog na parehong dumadaloy sa lambak - ang Naryn at Kara Darya. Nagkikita ang dalawang ilog na ito malapit sa lungsod ng Namangan sa Uzbekistan para sumama sa ilog ng [[Syr Darya]]. Bukod sa kanila, marami pang mga maliliit na tributaryong ilog ang dumadaloy sa lambak, kabilang na ang ilog Sokh. Binababa ng mga ilog na ito mula sa bundok di lamang ngang tubig para sa irigasyon sa lugar, kundi pati buhangin, na dinedeposito sa mga pampang ng mga ito, lalong lalo na sa dinadaluyan ng Syr Darya, kung saang hinihiwa nito ang kabundukan ng Khujand-Ajar at binubuo ang naturang lambak. Malaking panganib ang nabubuo nitong mga malalaking [[kumunoy]] (''quicksand''), na sumasakop sa mahigit-kumulang 1,900 km.<sup>2</sup> (750 mil.<sup>2</sup>) sa ilalim ng impluwensiya ng hangin mula sa timog-kanluran.
