Omar Khayyam: Pagkakaiba sa mga binago

Si '''Omar Khayyam''', binabaybay din bilang '''Omar Khayham''', ay isang [[Persa]] na makata, astronomo, manunulat, at iskolar na namuhay noong ika-11 daantaon AD. Siya ang may-akda ng kalipunan ng kanyang mga gawa, ang ''[[Rubaiyat]]'' (bagaman hindi lahat ng mga dalubhasa ang naniniwalang siya ang umakda nito), na nalathala lamang dalawang daang taon pagkaraan ng kanyang kamatayan, at lumaong isinalin sa Ingles ni [[Edward Fitzgerald]]. Ipinanganak siya sa lungsod ng Nishapur, kasalukuyang Neyshabur ng Persiya (kasalukuyang Iran). Bilang isang dalubhasa, naitalaga siya sa tungkulin bilang royal na astronomo. Ginawa niya ang modernisasyon o pagiging makabago ng kalendaryong Persa. Kasama ng iba pang mga astronomo, itinayo niya ang isang obserbatoryo sa lungsod ng Isfahan. Bilang manunulat, nagsulat siya tungkol sa agham, batas, kasaysayan, matematika, at medisina.<ref name=WWT>{{cite-WWT|''Who Was Omar Khayyam?''}}, pahina 74.</ref>