|
[[Talaksan:Alte Buecher.JPG|thumb|right|320px|Larawan ng mga librong pampanitikan.]]
[[Talaksan:Bibliothek kalocsa.jpg|thumb|right|320px|Isang [[aklatan]]g may mga aklat pampanitikan.]]
Sa pinakapayak na paglalarawan, ang isang '''panitikan''' o '''panulatan '''ay ang pagsulat ng tuwiran o tuluyan at pagtula na nag-uugnay sa isang tao. Subalit upang maipagkaiba ito mula sa ibang mga walang saysay na babasahin o patalastas lamang, ang mga panitikan ay ang mainam na pagsulat na may anyo, pananaw, at diwang nakasasanhi ng matagal na pagkawili at gana. Samakatuwid, may hugis ang mga ito, may punto de bista at nakapagpapahaba ng interes ng mambabasa ang isang sulating pampanitikan.<ref name="NBK">''The New Book of Knowledge'' (Ang Bagong Aklat ng Kaalaman), nasa wikang Ingles, Grolier Incorporated, 1977, ISBN 0-7172-0508-8</ref>Nagsasalaysay ng buhay, pamumuhay, lipunan, pamahalaan, pananampalataya at mga karanasang kaugnay ng iba't ibang uri ng damdaming tulad ng pag-ibig, kaligayahan, kalungkutan, pag-asa, pagkapoot, paghihiganti, pagkasuklam, sindak at pangamba.<ref name=Sauco>Sauco, Consolacion P., Nenita P. Papa, at Jeriny R. Geronimo. ''Panitikan ng Pilipinas''.</ref> Ito ang isang dahilan kung bakit pinag-aaralan ang larangan ng literatura sa mga paaralan. Ang ''[[Iliad]]'' ni [[Homer]], ang isang halimbawa ng mga mabuting likhaing pampanitikang kanluranin, maging ang ''[[Aeneid]]'' ni [[Vergil]].<ref name=NBK/>
== Mga uri ng panitikan ==
Sa pinakapayak na paghahati, dalawa ang anyo ng panitikan: ang mga ''[[Piksiyon]]'' (Ingles: ''fiction'') at ang mga ''Di-piksiyon'' (Ingles: ''non-fiction'') na mga sulatin at babasahin. Ginagamit ng mga manunulat ang kanilang imahinasyon para sa pagsulat ng mga akdang bungang-isip lamang. Nag-iimbento sila ng mga kathang-isip na mga tauhan, pangyayari,, sakuna, at pook na pinangyarihan ng [[kuwento]] para sa kanilang mga [[prosa]]ng katulad ng mga [[maikling kuwento]].<ref name=NBK/>
|
