Si '''FilonPhilo ng Alehandriya''' ({{lang-el|Φίλων}}, ''Philōn''; 20 BCE – 50 CE), na tinatawag ring '''Philo Judaeus''' ay isang [[Hudaismong Helenistiko|Hudyong Helenistiko]] na pilosopo ng [[Bibliya]] na ipinanganak sa [[Alehandriya]], Ehipto. Ginamit ni Philo ang pilosopikal na [[alegorya]] upang tangkaing isama at i-ayon ang [[pilosopiyang Griyego]] sa [[pilosopiyang Hudyo]]. Ang kanyang pamamaraan ay sumunod sa mga kasanayan ng parehong [[eksehesis]] na Hudyo at pilosopiyang [[Stoikismo|Stoik]]. Ang kanyang eksehesis na alegorikal ay mahalaga para sa ilang mga [[Kristiyano]]ng [[ama ng simbahan]] ngunit may bahagyang pagtanggap sa loob ng [[Hudaismo]]. "Ang mga sopista ng pagiging literal" na kanyang pagtawag sa mga literalistang Hudyo,<ref>''De Somniis,'' i.16-17</ref> ay "mababaw na nagbukas ng kanilang mga mata" nang kanyang ipaliwanag sa mga ito ang mga kamangha mangha ng kanyang eksehesis. Si Philo ay naniniwalang ang mga literal na interpretasyon ng [[bibliya]] ay susupil sa pananaw ng sangkatauhan at persepsiyon ng isang [[diyos]] na labis na masalimuot at kamangha mangha upang maunawaan sa mga terminong literal ng tao. Ang ilang mga skolar ay naniniwala na ang kanyang konsepto ng [[Logos]] bilang malikhaing prinsipyo ng diyos ay nakaimpluwensiya sa simulang [[Kristolohiya]]ng pananaw ng mga sinaunang Kristiyano. Ang kakaunting mga detalye sa buhay ni Philo ay matatagpuan sa kanyang mga isinulat lalo na sa ''Legatio ad Gaium'' ("embassy to Gaius"), at kay [[Josephus]].<ref>''Antiquities'' xviii.8, § 1; comp. ib. xix.5, § 1; xx.5, § 2</ref> Ang tanging pangyayari sa kanyang buhay na matutukoy ng kronolohikal ang kanyang pagsali sa embahada kung saan an mga [[Hudyong Alexandrian]] ay ipinadala sa emperador [[Caligula]] sa Roma bilang resulta ng isang sibil na awayan sa pagitan ng mga pamayanang Hudyong-Alexandrian at Griyego. Ito ay nangyari noong 40 CE.
