Sa Sinaunang Ellada, ang '''dimos''' (δῆμος, inglesIngles: deme) ay isang lokal na bahagi ng Attiki, ang rehiyon ng Ellada na nasa palibot ng Athina. Mukhang mayroon nang mga dimos noong ika-6 na dantaon B.K. at mas maaga pa pero ito ay simpleng pagbabahagi lamang ng lupain sa kanayunan. Wala itong gaanong kahalagahan hanggang sa magreporma si Kleisthenis noong ika 508 B.K. Sa repormang iyon naging rekisitos sa pagkamamamayan ang pagkakatala sa listahan ng mga mamamayan ng isang dimos. Bago nilikha ang patakarang ito ang pagkamamamayan ay nakabatay sa pagiging kasapi ng isang fatria (φατρία), o pangkat ng pamilya.
Sa panahong ito ang mga dimos ay itinatag mismo sa lungsod ng Athina bagama't noong una ay wala nito roon. Sa pagtatapos ng mga reporma ni Kleisthenis ang buong Attiki ay nahati sa 139 na dimos. Pinahina ng pagkakatatag ng mga dimos, bilang pundamental na yunit ng estado, ang genos (γένος), o mga aristokratang pangkat ng pamilya na siyang naghahari sa mga fatria. ([[#Fine1983|Fine 1983]])
