Lucien Febvre: Pagkakaiba sa mga binago

==Talambuhay==

Si Lucien Febvre ay ipinanganak at lumaki sa Nancy, hilaga-silangang bahagi ng Pransiya. Ang ama niya ay isang filologo, na iminulat si Febvre sa pag-aaral ng mga sinaunang sulatin at wika, na naging malaking impluwensiya sa paraan ng pag-iisip ni Febvre. Sa edad na dalawampu, pumunta si Febvre sa Paris at nag-enrol sa Ecole Normale Superieure. Sa pagitan ng 1899 hanggang 1902 ay ibunuhos niya ang kanyang panahon sa pag-aaral ng kasaysayan at heograpiya. Matapos siyang magtapos sa kolehiyo, nagturo si Febvre sa isang pamprobinsiyang lycee, kung saan niya ginawa ang tesis niya hinggil kay Ikalawang Felipe at Franche-Comté. Napilitan si Febvre na iwanan ang pagtuturo noong 1914 dahil sa mobilisasyon ng hukbo noong Unang Digmaang Pandaigdig, kung saan siya naglingkod ng apat na taon. Noong 1919 nagtrabaho si Febvre sa Unibersidad ng Strasbourg nang ibalik ang probinsiya sa Pransiya. Habang nagtatrabaho siya roon ay nakilala niya si Marc Bloch, na kaisa niya sa dulog na pampilosopiya at politika. Ang pagkakasundo sa kaisipang ito ang nagbuklod sa dalawa.