[[Image:National museum of China 2008 countdown clock.jpg|right|100px|Isang orasan sa Beijing na nagpapahiwatig ng tagal ng panahon bago magsimula ang Olimpiko]]
Ang '''Palarong Olimpiko 2008''' o '''Palaro ng Ika-XXIX Olimpiko''' sa panahon ng tag-init ay isang pandaigdigang paligsahang palaro na kinasasangkapan ng iba't ibang mga laro, na isasagawa sa [[Beijing]], [[Republikang Popular ng Tsina]] mula [[Agosto 8]] hanggang [[Agosto 24]], [[2008]], at susundan ng [[Palarong Paralimpikong Tag-init 2008|Palarong Paralimpiko 2008]] (panahon ng tag-init) mula [[Setyembre 6]] hanggang [[Setyembre 17]]. Inaasahang lalahukan ito ng may mga 10,500 atleta na magsisipagtunggali sa mga 302 kaganapan sa 28 palaro, kung saan isang kaganapan ang naidagdag kung ihahambing sa orihinal na pagtatakda noong [[Palarong Olimpiko sa Tag-init 2004)|Palarong Olimpiko 2004]] na ginanap sa [[Atenas]], [[Gresya]]. Iginawad sa [[Beijing]] ang [[Alok ukol sa Palarong Olimpiko 2008|pagganap]] ng [[Palarong Olimpiko]] makaraan ang nakahahapong botohan ng [[Pandaigdigang Lupon ng Olimpiko]] (IOC) noong [[Hulyo 13]], [[2001]]. Naglalaman ang opisyal na logo ng mga palaro, na pinamagatang "[[Sumasayaw na Beijing]]", ng isang ma-estilong kaligrapikong karakter na ''jīng'' (京, nangangahulugang ''kabisera''), bilang pagtukoy sa nagpupunung-abalang lungsod. Ang limang [[Fuwa]] ay mga maskot ng Beijing 2008, kumakatawan ang bawat isa kapwa sa isang kulay ng mga [[Mga sagisag ng Olimpiko|Singsing ng Olimpiko]] at bilang isang sagisag ng kalinangang Tsino. Tinatawag ng sawikaing pang-Olimpiko, ang ''Isang Daigidig, Isang Pangarap'', ang sandaigdigan upang magkaisa sa kaluluwa ng Olimpiko. Maraming ilang [[Pambansang Lupon ng Olimpiko]] (NOC) ang kinilala rin ng [[Pandaigdigang Lupon ng Olimpiko]].
'''[[WP:NA|Marami pang mga napiling artikulo...]]'''
