Roberto del Rosario: Pagkakaiba sa mga binago

Content deleted Content added
Bagong pahina: Si '''Roberto L. del Rosario''' ay isang kilalang Pilipinong imbentor ng ''Sing-Along System'' na kilala bilang ''Minus-One'' na kalaunan ay kilala bilang ''Karaoke''. Naipaglaban...
(Walang pagkakaiba)

Pagbabago noong 20:11, 25 Oktubre 2008

Si Roberto L. del Rosario ay isang kilalang Pilipinong imbentor ng Sing-Along System na kilala bilang Minus-One na kalaunan ay kilala bilang Karaoke. Naipaglaban niya sa Kongreso ng Pilipinas ang pagpasa ng panukala para sa insentibo sa mga imbensyon ng mga Pilipino na kalaunan ay naging batas RA 7459 o Inventors and Invention Incentives Act noong Abril 28, 1992. Siya ay nahalal bilang miyembro ng Executive Board ng International Federation of Inventors Association (IFIA). Siya ay ginawaran ng World Intellectual Property Organization (WIPO) Gold Medal sa kanyang natatanging imbensyon noong 1985.

Sa edad na pito ay mahusay na siyang magpiyano at lalo pang nahasa nang maging katulong sa pagawaan ng piano ng kanyang tiyuhin na Trebel. Ang nakita niyang hirap sa pagtotono ng piano eng nagbunsod sa kanya upang maimbento ang Piano Tuner's Guide at Piano Keyboard Stressing Device. Taong 1972, nang makilala si Roberto dahil sa kanyang One-Man Band (OMB) na nakakatugtog ng buong orkestra (kumpletong wind, string at brass instruments) sa tugtog ng chacha, boogie, disco, swing, tango at marami pang iba.

Laban sa karapatang-ari ng Karaoke

Taong 1974 nang naimbento ni Del Rosario ang Sing Along System na binubuo ng isang mikropono at amplifier kasama ang iba't ibang panimpla ng boses ng kumakanta. Sumikat ito sa bansag na Minus One sa Pilipinas. Sa kaparehong dekada, sumikat din sa bansang Hapon ang kahalintulad na imbensyon na kilala bilang Karaoke. Bagama't ang unang nakaimbento ng karaoke ay ang Hapong si noong 1971, nakalaigtaan niya itong i-apply ng patent. Naunang nag-apply ng patent si Del Rosario at ito ginawaran ng patent noong 1983 at 1986. Nanalo si Del Rosario sa demanda sa World Intellectual Property Organization (WIPO) laban kay Inoue ukol sa karapatang-ari ng Karaoke. Si Inoue naman ay kay kinilala ng Time Magazine bilang isa sa pina-impluwensyang Asyano sa kanyang paglikha ng Karaoke[1].


Ilang mga imbensyon ni Del Rosario

  • Piano Tuner's Guide
  • Piano Keyboard Stressing Device
  • Copper Wire String Winding Machine
  • One-Man Band (OMB)
  • Voice Color Tapes
  • Sing-Along System (SAS)
  • Method of Determining a Singer's Voice Range
  1. http://www.time.com/time/asia/asia/magazine/1999/990823/inoue1.html