Sulat sa Bagong Tipan: Pagkakaiba sa mga binago

Ang mga '''sulat''' ay mga aklat na bahagi ng [[Bagong Tipan]] ng [[Bibliya]]. Matatagpuan ang mga '''liham''' na ito pagkaraan ng ''[[Aklat ng mga Gawa ng mga Alagad]]''. Sapagkat inakdaan ng mga naunang pinuno ng [[Simbahang Kristiyano]], may layunin ang mga sulat na ito na makapagbigay ng mga gabay o patnubay sa gawi kung paano mamuhay bilang tunay na [[Kristiyano]].<ref name=Biblia2>{{cite-Biblia|Introduction to the Old and New Testaments, pahina 16}}</ref> Bumubuo ang pangkat ng mga liham na ito sa ikalawang pangunahing kahatian ng Bagong Tipan ng Bibliya.<ref name=NBK>{{cite-NBK|New Testament, pahina 161-162}}</ref>

Sa pangkalahatan, mayroong dalawampu't isang aklat na liham o sulat sa Bagong Tipan ng Bibliya. Kabilang dito ang '''labintatlong sulat''' na inakdaan ni [[San Pablo ng Tarsus]] - ang mga '''Sulat ni San Pablo''', na kilala rin bilang mga '''Paulinong Liham''' o kaya mga '''Paulinong Sulat''' (''Pauline Espistles'' sa Ingles)<ref name=NBK/> - na ipinadala sa mga lokal na parokya o simbahan, na siya mismo ang nagtatag. Nagsimulang kumalat ang mga sulat ni San Pablo mula noong 51 AD, mga dalawampung taon pagkaraan ng pagpanaw at muling pagkabuhay ni [[Hesus]]. Nasulat na ang mga liham ni Pablo bago pa man maisatitik ang mga [[Ebanghelyo]] nina [[Ebanghelyo ni Mateo|San Mateo]], [[Ebanghelyo ni Marcos|San Marcos]], [[Ebanghelyo ni Lucas|San Lucas]], at [[Ebanghelyo ni Juan|San Juan]]. Ang ''[[Sulat sa mga taga-Tesalonica]]'' ang naging pinakauna sa mga liham na isinulat ni Pablo. Naglalaman ang mga liham ni Pablo ng mga kilala at naging bantog na mga pangungusap sa [[panitikan]] ng daigdig.<ref name=Biblia2/>