Sulat sa Bagong Tipan: Pagkakaiba sa mga binago

Tinawag na mga ''Katolikong Liham'' ang mga pangkat na ito sapagkat itinuturing na pandaigdigan o pangkalahatan ang mga sulat na bumubuo rito. Sa diwang ito, nangangahulugang ''pandaigdigan'' ang salitang ''Katoliko''. Walang partikular na simbahan o parokyang pinadalhan o tinutukoy ang mga liham na ito, kaya't itinuring na panglahat o pandaigdigan. Binubuo ang mga ito ng '''pitong liham''': ang ''[[Sulat ni Santiago]]''; ang ''Mga Sulat ni Pedro'' na binubuo ng dalawang liham ni San Pedro (ang ''[[Unang Sulat ni Pedro|Una]]'' at ''[[Ikalawang Sulat ni Pedro|Ikalawang Sulat ni Pedro]]''; ang ''Mga Sulat ni Juan'' na bungkos ng tatlong liham mula kay [[Juan ang Alagad|San Juan]] (ang ''[[Unang Sulat ni Juan|Una]]'', ''[[Ikalawang Sulat ni Juan|Ikalawa]]'', at ang ''[[Ikatlong Sulat ni Juan]]''; at ang ''[[Sulat ni Hudas]]''. Katulad ng kalipunan ng mga sulat ni San Pablo, naisulat ang mga Katolikong Liham dahil sa pagkakaroon ng mga partikular na suliran at mga pagaalitang kaugnay ng [[teolohiya]]. Naglalarawan at nagsasalamin ang mga ito ng isang kontrobersiyang naganap sa sinaunang Simbahang Kristiyano hinggil sa kalikasan ni Hesus na naging Kristo, na kinasasangkutan ng mga interpretasyon o pananaw at pagbibigay kahulugan hinggil sa katauhan ni Kristo.<ref name=NBK/>