Anghel na tagatanod: Pagkakaiba sa mga binago

Ang '''anghel na tagatanod''' ay isang [[anghel]] na gumaganap bilang tagapagsanggalang, tagapangalaga, at patnubay ng isang partikular na tao. Naging tanyag ang kaisipan at paniniwalang may isang anghel na natakda at itinalaga para sa bawat isang tao o mananamapaltaya noong mga panggitnang kapanahunan o panahong medyibal. Matutunghayan ang paglitaw ng mga anghel sa kabuoan ng mga pahina ng Bibliya, katulad ng sa ''[[Aklat ng Mga Gawa ng mga Alagad]]'' (Gawa 5:19 at 10:3), naglalarawan sa mga ito bilang mga tagapaglingkod ng Diyos na tumutulong sa pagsasakatuparan ng kalooban ng Diyos at sa pagpapahayag at pagpapalaganap ng mabuting balita.<ref name=Biblia4/> Sa ''[[Ebanghelyo ni Mateo]]'', isang anghel ang nagpakita kay [[San Jose|Jose]] upang ibalita ang [[pagsilang kay Hesus]], na siya ring anghel na nagpayo kay Jose - sa pamamagitan ng isang [[panaginip]] - na huwag hiwalayan sa pamamagitan ng [[diborsyo]] si [[Birheng Maria|Maria]] bagaman nagkaroon na ng pagkakasundo sa pag-iisang dibdib ng dalawa, isang kasunduang hindi na mababawi o mababali katulad ng pormal na [[kasal]] ayon sa batas ng mga Hudyo (mapapawalang bisa lamang ito kung mapapatunayang nangalunya ang sinuman sa dalawang nagkasundo). Sinasaad ng hindi nakikilalang may-akda ng ''[[Sulat sa mga Hebreo]]'' na mas higit o mas nakatataas si [[Hesus]] sa mga anghel, kina [[Moises]], [[Aaron]], mga [[propeta]], at maging sa mga gawaing [[Lebitiko]]. Nakaugaliang sinasabing namagitan ang mga anghel sa pagkakaloob ng [[Torah]] o batas ng mga [[Hudyo]] na nagmula sa Diyos. Dahil kay Hesus na [[anak ng Diyos]], naging mas mainam ang [[Kristiyanismo]] kaysa mga sinaunang mga batas ng [[Hudaismo]].<ref name=Biblia2>{{cite-Biblia2|'''(a)''' ''Jesus's superiority to the angels and to Moses; the purpose of his suffering'', paliwanag hinggil sa ''Sulat sa mga Hebreo'', pahina 929; '''(b)'''}}</ref> Bagaman hindi lubos na mapatutunayan ang mga gawaing pamamagitan ng mga anghel sa buhay ng tao, hindi maipagsasawalang-bahala ang mga ginagampanan ng mga anghel na matutunghayan din sa ''Sulat sa mga Hebreo'' (Hebreo 13:2). Isang kasangkapan ang Bibliya bilang tagapaghatid ng paniniwalang nalalaman ng Diyos ang pangangailangan ng mga tao at isinasakatuparan niya ang mga ito sa kaniyang sariling kaparaanan, at sa pamamagitan ng mga anghel kung minsan. Naantala ang kabantugan ng paniniwalang ganito noong panahon ng [[Repormasyon (Kristiyanismo)|Repormasyon]] o [[Muling Paghubog (Kristiyanismo)|Muling Paghubog]], kung kailan nagsagawa ng mga paglilinis kaugnay ng [[teolohiya]]ng Kristiyano, subalit matutunghayan pa rin sa ''[[Ebanghelyo ni Mateo]]'' (Mateo 18:10) ang hinggil sa pagpapatibay sa pagkakaroon ng mga anghel at kanilang mga gawain.<ref name=Biblia4>{{cite-Biblia4|''Does everyone have a guardian angel?'', kaugnay ng paliwanag para sa Salmo 91:11, pahina 83}}</ref>