René Laennec

Si René-Théophile-Hyacinthe Laennec o René Laennec (Pebrero 17, 1781- Agosto 13, 1826) ay isang Pranses na manggagamot. Binabaybay din ang kanyang apelyido bilang Laënnec. Siya ang umimbento ng istetoskopyo noong 1816 habang naghahanapbuhay sa Hôpital Necker. Siya ang nagpasimula ng paggamit ng instrumento sa pag-alam at paniniyak ng sari-saring mga sakit sa baga at dibdib. Naging tagapangasiwa siya ng Collège de France o Dalubhasaan (Kolehiyo) ng Pransya noong 1822 at propesor ng panggagamot noong 1823. Kabilang sa mga huling pagtatalaga sa kanya ang panunungkulan bilang Ulo o Pinuno ng Klinikang Medikal sa Hôpital de la Charité at bilang propesor sa Dalubhasaan ng Pransya. Namatay siya noong 1826 dahil sa sakit na tuberkulosis.

Sanggunian

• H.BON, Laennec (1781-1826), Lumiere, Dijon 1925
• A.ROUXEAU, Laennec, Bailliere, Paris 1912-1920, 2 tomo/bolyum.