Inpusyon: Pagkakaiba sa mga binago

Ang '''inpusyon''' o '''buhos-salin-babad''' ay isang payak na paraan ng paghahanda ng mga inuming katulad ng gawa mula sa mga [[yerba]]. Halos katulad ng sa paggawa ng [[tsaa]] ang paraang ginagamit para rito.<ref name=TCMH>{{cite-TCMH|''Infusion''}}, ''Making Herbal Remedies'', pahina 120.</ref>

Ginagamit ang inpusyon para sa mga bulaklak at madahong bahagi ng mga halaman. Karaniwang dami ang 30 mga gramo ng tuyong yerba o kaya 75 mga gramo ng sariwang yerba, 500 mililitrong tubig. Palagiang gumagawa ng bagong inpusyon sa bawat araw na sapat para sa tatlong dosahe.<ref name=TMHP/>

Sa pagluluto ng inpusyon, gumagamit ang naghahanda ng tahure o kaldero, palayok na pang-tsaa, pansala na maaaring yari sa [[naylon]], tasa na pang-tsaa, at pitsel na may takip.<ref name=TMHP/>

Inilalagay ang mga bahagi ng yerba sa isang kalderong may mahigpit na takip, karaniwang palayok ng tsaa. Nagpapakulo ng tubig na hindi itinatapat sa pagkakataon ng sagad na pagpapakulo upang hindi mawala ang mahahalagang mga langis kapag sumingaw. Pagkaraan, binubuhusan ng mainit na tubig ang yerba. Pinababayaang kumatas ang yerba sa loob ng sampung mga minuto. Binubuhos ito na sinasala papunta sa isang tasang pang-tsaa. Itinatabi ang natira sa loob ng isang pitsel na inilalagak sa isang hindi naiinitang lugar.<ref name=TMHP/>

Bilang pamantayang dosahe, iniinom ang inpusyon ng kalahating tasa bawat pag-inom, na inuulit ng tatlong beses sa loob isang araw. Iniinom na mainit o malamig ang produkto.<ref name=TMHP/>