Ang '''Dalubhasaan ng Santa Escolastica''' o '''''St. Scholastica's College, Manila''''' ('''SSC''' o kolokyal na '''''St. Scho''''', bigkas /seynt iskois-ko/) ay Katolikong kolehiyong pangkababaihan na itinatag noong 1906 at pinamamahalaan ng Misyonerang mga Madreng Benediktina ng Tutzing. Matatagpuan ito sa 3.66 hektaryang lote sa [[Malate, Maynila|Malate]] sa loob ng lungsod ng [[Maynila]], [[Pilipinas]]. Napapalibutan nito ng Kalye Estrada sa hilaga, ng Kalye P. Ocampo sa timog, ng Kalye Singalong sa timog, at ng Kalye Leon Guinto sa kanluran. Unang itinatag ang dalubhasaan para lamang sa elementarya. Nagsimula itong tumanggap ng mga estudyante ng hayskul noong 1907, at nagbukas ng kagawarang pangkolehiyo noong 1920. Pinasimulan nito ang pormal na edukasyong pangmusika sa Pilipinas, at nagbukas ng [[Konserbatoryo ng Musika]] noong 1907. Bagaman eksklusibong isang paaralan para sa mga kababaihan, pinahintulutan ang pagtanggap ng mga kalalakihang mag-aaral sa mga programang [[Cognate|Kognato]], [[Music|Musika]], [[Fine Arts|Mga Pinong Sining]], at [[Interior Design|Disenyong Panloob]].
