Jöns Jakob Berzelius

Si Jöns Jakob Berzelius ay isang Suwesyang (Swedish) kimiko (chemist), na nabuhay mula ika-20 Agosto 1779 hanggang sa ika-7 ng Agosto 1848. Siya ay pinakakilala sa paggawa ng paraan ng pagsusulat ng mga formulang kimikal. Itinuturing siya na isa sa mga "Ama ng Kapnayan", kasama sa mga tulad nina John Dalton, Antoine Lavoisier, at Robert Boyle.

Mga Ambag sa Kapnayan

Si Berzelius ang sumukat ng masa ng mga atomo ng halos 40 mga elemento.

Si Berzelius din ang nakatuklas sa mga elementong Seryo (Cerium), Selenyo (Selenium), at Toriyo (Thorium).

Ang kasalukuyang paraan ng pagsusulat ng mga formulang kimikal ay nilikha ni Berzelius upang makatulong sa kaniyang mga pag-aaral. Ang mga elemento ay binigyan ng mga payak na mga tatak. Halimbawa, ang Fe (mula sa Latin, ferrum) ang kaniyang tatak para sa elementong bakal. Ginawa niya iyo noong 1813. Ang tanging pagkakaiba ay sa pagsulat ng bilang ng mga atomo ng isang tipik (molecule). Ang kaniyang ginawa'y nasa taas ang mga maliliit na bilang, sa halip na nasa ibaba, halimbawa, ang ngayo'y H₂O ay dating H²O.

Mga Ambag sa Haynayan

May naging bunga sa haynayan ang mga gawa ni Berzelius. Siya ang unang nagkilala ng kompuwestong organiko mula sa kompuwestong di-organiko.

Bukod dito, ang salitang "protina" ay kanya ring inilikha, nguni't dahil sa maling akala na ang mga ito'y iisang uri lang ng kompuwesto.