''Pinasok ni Estrada ang larangan ng politika noong [[1967]] nang tumakbo sya bilang Alkalde ng San Juan, isang munisipalidad ng Kalakhang Lungsod ng Maynila. Natalo siya. Agad siyang nagsampa ng protesta. Iniutos ng Koerte Suprema ang pagbilang muli ng mga boto at noong August 5, 1969, tinaghal siya bilang ang tunay na nagwagi sa pagka-alkalde ng San Juan. Muli siyang nahalal bilang alkalde noong 1971 at noong taong din yaon ay pinarangalan bilang "Outstanding Mayor and Foremost Nationalist" ng Inter-Provincial Information Service. Nang sumunod na taon, 1972, pinarangalan naman siya bilang "Most Outstanding Metro Manila Mayor" ng Philippines Princetone Poll at ginawaran bilang isa sa Ten Outstanding Young Men (TOYM) ng Philippine Jaycees. Ginugol niya ang panahon sa paglaban sa kriminalidad at paglilingkod bilang punong bayan sa loob ng 17 taon.''
Source: "To Live for the Masses" video documentary VCD (http://erap.ph)
