Koreograpiya

Ang koreograpiya o koryograpiya (Ingles: choreography) ay ang sining ng pagdidisenyo ng mga sekuwensiya ng o magkakasunod na mga galaw kung saan ang mga mosyon o kilos, anyo o hugis o hubog, o lahat ng mga ito ay tinutukoy o tinitiyak. Maaari ring tumukoy ang koreograpiya sa mismong disensyo, na paminsan-minsang sinasaad o pinadarama sa pamamagitan ng notasyon ng sayaw. Ang salitang koreograpiya ay literal na may kahulugang "pagsusulat ng sayaw", na nagmula sa mga salitang Griyegong "χορεία" o "choreia" (paikot o pabilog na sayaw) at γραφή o pagsusulat. Ang taong lumilikha ng mga koreograpiya ay tinatawag na koreograpo o koreograper. Unang lumitawa ang salitang choreographer sa talahuluganang Amerikanong Ingles noong dekada ng 1950.