Sulat sa mga taga-Efeso: Pagkakaiba sa mga binago

Ang '''Sulat sa mga taga-Efeso'''<ref name=Biblia3>{{cite-Biblia3|[http://angbiblia.net/taga_efeso.aspx Sulat ni Pablo sa mga Taga-Efeso]}}</ref> o '''Sulat sa mga Efesio'''<ref name=Biblia/> ay isang aklat ng mga sulat sa [[Bagong Tipan]] ng [[Bibliya]] na isinulat ni [[Apostol San Pablo]] para sa kalahatan ng [[Asya Menor]] na ang [[Efeso]] ang gumaganap bilang ulong-lungsod o kabisera at kung saan tatlong taong nangaral si San Pablo, subalit may nagsasaad din na para ito sa mga Kristiyano ng Simbahan o Parokya ng Laodicea.<ref name=Biblia>{{cite-Biblia|Sulat sa mga Efesio}}, pahina 1706.</ref>

 

Nasulat ito bago magwakas ang unang pagkakataon ng pagkakabilanggo ni San Pablo sa Roma noong taong 63 AD.<ref name=Biblia/>

 

Bago matapos ang ikatlong paglalakbay ni San Pablo sa Asya Menor, tinawag niya at ipinulong sa Mileto ang mga presbitero-obispo ng mga kalapit na bayan. Bukod sa pamamaalam , nagbigay si San Pablo ng mga payo sa mga ito hinggil sa mga panganib na kakaharapin ng Simbahan, mga hula na natupad nga sa kalaunan. Kumalat sa Asya Menor ang magkakaibang mga pangangaral na "tumutuligsa sa mga pahayag ng Diyos at lumalait sa pagka-Diyos at pagka-Manunubos" ni Hesukristo.<ref name=Biblia/>

 

Ayon sa sulat ni San Pablong ito, sinabi niya na ang Simbahan o Iglesya ang Katawang Mistiko ni Hesukristo na "ginagamit bilang kasangkapan ng Diyos sa pagpapadaloy ng masasaganang biyaya" patungo sa mga Kristiyanong ang kumikilalang pinaka-ulo nila si Hesus at sila naman ang mga sangkap.<ref name=Biblia/> Kapag ihahambing sa iba pang mga sulat ni San Pablo, mas mistulang sermon ito o isang meditasyon. Hindi ito tumatalakay sa mga pangangailangan ng isang partikular na Simbahan o Parokya. Hindi rin ito naglalaman ng personal na mga mensahe. Maaari rin itong ituring na isang palibot-sulat o isang ensiklikal na liham na malawakang ipinakalat sa madla.<ref name=Biblia2>{{cite-Biblia2|Letter of Paul, Ephesians}}, pahina 894.</ref>

[[Talaksan:Ephesians 2,12 - Greek atheos.jpg|thumb|right|Ang salitang [[wikang Griyego|Griyegong]] "atheoi" αθεοι ("[yaong mga] walang diyos") kung paano ito ipinakikita sa ''Sulat sa mga taga-Efeso 2:12'' sa ibabaw ng Papiro 46 ng maagang ika-3 daantaon. Hindi lumilitaw ang salitang ito - sa anumang anyo pa nito - sa loob ng Bagong Tipan o bersyong Griyegong Koine ng Lumang Tipan.]]

Nagbubukas ito sa paglalantad ng walang-hanggang layunin ng Diyos na sagipin kapwa ang mga Hudyo at mga Hentil. Bukod sa panuntunan hinggil sa Mistikong Katawan ni Hesus, sinasaad din dito ang paghahambing ng walang bahid dungis na pagiging isa ng mga Kristiyanong mananampalataya, at nagbibigay din ng halimbawa sa ulirang magandang pag-uugnayan ng mga mag-asawa.<ref name=Biblia2/> Pangunahing paksa rin dito ang pagtalakay sa layunin ng Diyos na "tipunin ang lahat ng nilikha sa langit at sa lupa, at ipasailalim" sila kay Hesukristo, at nagsisilbi ring isang panawagan sa mga Kristiyano {{ndash}} ang tinatawag na "mga anak ng Diyos" {{ndash}} na isabuhay nila ang kahulugan nito sa pamamagitan ng pakikipag-isa kay Hesukristo.<ref name=Biblia3/> Inilarawan ni San Pablo ang mga Kristiyanong nakipagkaisa kay Hesus bilang isang Simbahang kawangis ng isang katawan na si Kristo ang ulo, bilang isang gusali na si Kristo ang batong panulukan, at bilang isang babaeng si Kristo ang nagsisilbing asawang lalaki. Sa liham na ito, ipinakita ang kabutihan ng Diyos na ipinadama nito sa pamamagitan ng "pag-ibig, pagpapakasakit, pagpapatawad, kagandahang-loob at kalinisan" ni Hesus.<ref name=Biblia3/>

 

Ang ''Sulat sa mga taga-Efeso'' ay nahahati sa dalawang mga bahagi:<ref name=Biblia/>

 

 

Sa unang parte ng liham, tinalakay ni San Pablo ang paksa ng pagkakaisa, kasama ang paraan ng pagpili ng Diyos sa bayan niya, maging ang pagpapatawad at pagpapalaya mula sa kasalanan sa pamamagitan ni Kristong anak niya. Kabilang pa rin ang paraan ng pagpapatunay ng Espiritu Santo ang katuparan ng pangako sa kanila ng Diyos.<ref name=Biblia3/>

 

Sa ikalawang parte ng liham, nanawagan si San Pablo sa mga Kristiyano na "gawin nilang makatotohanan sa kanilang buhay" ang pakikiisa nila kay Hesukristo sa pamamagitan ng pagiging "isang lupon ng mga mananampalataya".<ref name=Biblia3/>

 

Kapag ihahambing sa [[Lumang Tipan]], walang aklat na purong panulaan ang Bagong Tipan. Subalit ang ''Sulat sa mga taga-Efeso'' ng Bagong Tipan ang itinuturing na pinakamalapit sa ganitong kaurian o katangian.<ref name=Biblia2/>

 

{{reflist}}

 

 

{{DEFAULTSORT:Efeso, Sulat sa mga Taga}}

 

[[Kaurian:Mga sulat ni San Pablo]]

 

[[lmo:Letera ai Efesit]]

[[lt:Laiškas efeziečiams]]

[[nl:Brief van Paulus aan de Efeziërs]]

[[no:Paulus' brev til efeserne]]