Arithmetic logic unit: Pagkakaiba sa mga binago

Ang arithmetic logic unit (ALU) ay isang digital circuit na nagsasagawa ng mga arithmetic at logic operations. Ito ay isang combinational logic block, kung saan ang palalabas ng resulta ay hindi nakadepende sa clock. Ang ALU ay isang mahalagang bahagi ng Central Processing Unit (CPU) ng mga kompyuter, gayundin ng mga microprocessors.

Upang makakuha ng tamang resulta sa pagsasagawa ng mga arithmetic at logic operations, ang ALU block ay mayroong Adder, mga logic gates gaya ng AND gate, OR gate, XOR gate at inverter at multiplexer.

Ang adder ay siyang namamahala sa pagsasagawa ng arithmetic operations tulad ng addition at subtraction. Mayroong iba’t ibang uri ng adder na maaring gamitin tulad ng full-adder, carry-lookahead adder, at iba pa. And mga ito ay nagkakaiba sa bilis ng pagsasagawa ng addition at sa dami ng components na nakapaloob dito. Samantala, ang mga logical operations naman gaya ng AND, OR, XOR at INVERT ay isinasagawa ng mga nabanggit na logic gates. Ang sukat ng mga nasabing block ay batay sa sukat o dami ng bits na pumapasok sa ALU. Halimbawa, kung gagawa ng isang 32-bit ALU, kailangang ang adder at mga logic gate ay 32-bit din.

Ang mga operands na pumapasok sa ALU ay nanggagaling sa isang input register, samantalang, ang resulta naman ay inilalagay sa isang output register. Mayroon ding control unit na siya namang naglalabas ng mga signals na nagsasabi kung ano ang operation na dapat gawin ng ALU. Bukod sa resulta ng opearation, ang ALU ay maari ding maglabas ng mga 1-bit signals gaya ng N-negative, Z-zero, O-overflow, at C-carry. Ang mga signals na ito ay mga flagbits na karaniwang ipinapasok sa Current Program Status Register(CPSR).