Henetikong pag-agos
Ang henetikong pag-agos (tinatawag sa Ingles bilang genetic drift, allelic drift, o ang Wright effect)[1] ay ang pagbabago sa kadalasan ng isang mayroon nang baryanteng hene o allele sa isang populasyon dahil sa tsansang random (nangyari na lamang).[2]
Maaring idulot ng henetikong pag-agos na mawala ng tuluyan ang mga baryenteng hene at sa gayon, binabawasan ang baryasong henetiko.[3] Maaring idulot din nito ang inisyal na bihirang alelo na maging mas madalas at nakapirmi.
Kapag may iilang kopya ng alelo na mayroon na, mas napapansin ang epekto ng henetikong pag-agos, at kapag marami nang kopya, hindi na napapansin ang epekto. Sa kalagitnaan ng ika-20 dantaon, nangyari ang mga malalakas na debate sa relatibong kahalagaan ng likas na pagpili laban sa nyutral na proseso, na kabilang ang henetikong pag-agos. Pinanghawakan ni Ronald Fisher, na ipinaliwanag ang likas na pagpili gamit ang henetikong Mendeliyano,[4] ang pananaw na maliit ang ginagampanan ng henetikong pag-agos sa ebolusyon, at namayani ang pananaw nito sa ilang mga dekada. Noong 1968, muling pinag-alab ng populasyong henetistang si Motoo Kimura ang pagtatalo sa pamamagitan ng kanyang teoriyang nyutral ng ebolusyong molekular, na nagsasabi na ang karamihan sa mga halimbawa kung saan kumakalat ang isang henetikong pagbabago sa isang populasyon (bagaman, hindi kinakailangan ang mga pagbabago sa mga penotipo) ay idinulot ng henetikong pag-agos na gumaganap sa mga nyutral na mutasyon.[5][6] Noong dekada 1990, iminungkahi ang konstruktibong nyutral na ebolusyon na naglalayong ipaliwanag kung papaano umusbong ang komplikadong mga sistema sa pamamagitan ng nyutral na mga paglipat.[7][8]
Tingnan din baguhin
Mga sanggunian baguhin
- ↑ Gould SJ (2002). "Chapter 7, section "Synthesis as Hardening"". The Structure of Evolutionary Theory (sa Ingles).
- ↑ Masel J (Oktubre 2011). "Genetic drift". Current Biology (sa Ingles). Cell Press. 21 (20): R837-8. doi:10.1016/j.cub.2011.08.007. PMID 22032182.
- ↑ Star B, Spencer HG (Mayo 2013). "Effects of genetic drift and gene flow on the selective maintenance of genetic variation". Genetics (sa Ingles). 194 (1): 235–44. doi:10.1534/genetics.113.149781. PMC 3632471. PMID 23457235.
- ↑ Miller 2000, p. 54
- ↑ Kimura M (Pebrero 1968). "Evolutionary rate at the molecular level". Nature (sa Ingles). Nature Publishing Group. 217 (5129): 624–6. Bibcode:1968Natur.217..624K. doi:10.1038/217624a0. PMID 5637732. S2CID 4161261.
- ↑ Futuyma 1998, p. 320 (sa Ingles)
- ↑ Stoltzfus, Arlin (1999). "On the Possibility of Constructive Neutral Evolution". Journal of Molecular Evolution (sa Ingles). 49 (2): 169–181. Bibcode:1999JMolE..49..169S. doi:10.1007/PL00006540. ISSN 0022-2844. PMID 10441669. S2CID 1743092.
- ↑ Muñoz-Gómez, Sergio A.; Bilolikar, Gaurav; Wideman, Jeremy G.; Geiler-Samerotte, Kerry (2021-04-01). "Constructive Neutral Evolution 20 Years Later". Journal of Molecular Evolution (sa Ingles). 89 (3): 172–182. Bibcode:2021JMolE..89..172M. doi:10.1007/s00239-021-09996-y. ISSN 1432-1432. PMC 7982386. PMID 33604782.