Lobo (DC Comics)

Si Lobo ay isang kathang-isip na kosmikong anti-superhero at bounty hunter na lumalabas sa komiks na nilathala ng DC Comics. Nilikha ang karakter na Lobo nina Roger Slifer at Keith Giffen, at unang lumabas sa Omega Men #3 (Hunyo 1983). Isang nilalang na ekstraterestriyal o alien na ipinanganak sa utopikong planeta na Czarnia, at nagtratrabaho bilang isang interestelar na mersinaryo at bounty hunter.

Lobo
Impormasyon ng paglalathala
Tagapaglathala	DC Comics
Unang paglabas	Omega Men #3 (Hunyo 1983)
Tagapaglikha	Roger Slifer Keith Giffen
Impormasyon sa loob ng kwento
Lugar ng pinagmulan	Czarnia
Kasaping pangkat	Justice League L.E.G.I.O.N. Young Justice Church of the Triple-Fish God R.E.B.E.L.S. Suicide Squad
Kilalang alyas	The Main Man, The 'Bo, Master Frag, The Last Czarnian, Mister Machete, Scourge o' the Cosmos, The Ultimate Bastich, Machete Man, El Cazadores, The Lord of Death
Kakayahan	Higit-sa-taong pandama, lakas, bilis, tibay at iba't ibang durabilidad Muling pagbabalik ng anyo o regeneration Imortalidad Talinong nasa henyong antas Cloning (dati) Makapangyarihang pulang singsing

Unang ipinakilala si Lobo bilang isang matibay na kontrabida, ngunit sa kalaunan, hindi na ginamit ng mga manunulat. Nanatili siyang nakasuspinde hanggang siya'y muling binalik bilang isang anti-hero na tagapagmaneho ng motor kasama ang kanyang sariling komiks noong unang bahagi ng dekada 1990. Sinubok ng mga manunulat na gamitin si Lobo bilang isang parodiya ng mga nauusong "malupit at magaspang" na mga kuwentong superhero noong dekada 1990, na sinimulan ng mga karakter ng Marvel Comics tulad nina Cable, Wolverine, at Punisher, subalit sa halip ay masigasig na tinanggap siya ng mga tagahanga ng mga nauusong "malupit at magaspang" na istorya. Naidulot ng kasikatan na ito ang pagkakaroon ng mas mataas na tanaw sa karakter sa mga kuwento sa DC Comics simula noon, gayon din ang pangunahing pagganap sa iba't ibang serye sa mga sumunod na mga dekada.

Unang lumabas ang karakter ni Lobo sa live-action noong 2019 sa isang kabanata ng ikalawang season ng seryeng pantelebisyon na Krypton, na ginampanan ni Emmett J. Scanlan.