Paglalakbay sa panahon

Ang paglalakbay sa panahon (Time travel) ay isang konsepto ng paglipat o paglalakbay sa pagitan ng magkaibang punto sa panahon sa paraang kahalintulad ng paglipat o paglalakbay sa pagitan ng magkaibang punto sa pisikal na espasyo, sa pamamagitan ng pagpapadala ng mga obhekto o impormasyon pabalik sa nakaraan(past) bago ang kasalukuyan o pagpapadala ng mga obhekto sa hinaharap(future) mula sa kasalukuyan ng hindi mararanasan ang mga pagitang panahon. Ang isang teknolohikal na kasangkapang piksiyonal o hipotetikal na nagbibigay kakayahan na makapaglakbay sa panahon ay tinatawag na makina ng panahon(time machine). Ang isang piksiyonal na halimbawa ng makina ng panahon ang DeLorean sa pelikulang Back to the Future. Ang isang anyo ng isang-direksiyong paglalakbay sa hinaharap(future) ay nauunawaang posible dahil sa penomenon ng dilasyon ng panahon batay sa belosidad sa espesyal na teoriya ng relatibidad ni Albert Einstein(na ang halimbawa ay ang paradokso ng kambal) gayundin sa grabitasyonal na dilasyon ng panahon sa teoriya ng pangkahalatang relatabidad ni Einstein. Hindi alam sa kasalukuyan kung ang batas ng pisika ay pumapayag na makabalik sa nakaraang panahon(past).