Populasyong estadistikal
Sa estadistika, ang populasyon ay ang kabuuan ng mga tao, bagay o pangyayari na pinag-aaralan. May dalawang uri ng pang-estadistikang populasyon. Ito ay ang mga target na populasyon at survey na populasyon. Ang target na populasyon ay ang populasyon kung saan gustong kuhanin ang impormasyong susuriin samantalang ang survey na populasyon ay ang populasyon kung saan kukuhanin ang mga impormasyong susuriin.[1] Halimbawa, kung ang paksa ng pagsusuri ay ang mga Pilipino na nakatira sa ibang bansa, ang pang-estadistikang populasyon ay ang kabuuan o lahat ng mga Pilipino na nakatira sa ibang bansa. Ang kabuuang ito ay ang target na populasyon samantalang ang survey na populasyon ay maaring ang mga Pilipino na nakatira sa Estados Unidos o kaya ay ang mga Pilipino na nakatira sa Europa.
Sub-populasyon baguhin
Ang subset ng isang populasyon ay tinatawag na sub-populasyon kung sila ay nagtataglay ng isa o mas marami pang karagdagang katangiang magkakatulad. Halimbawa, kung ang populasyon ay lahat ng mga Aleman, ang subpopulation ay lahat ng lalaking Aleman; kung ang populasyon ay lahat ng parmasiya sa buong mundo, ang sub-populasyon ay lahat ng parmasiya sa Ehipto.
Ang sample na pang-estadistika ay subset o bahagi ng populasyon na kumakatawan sa buong populasyon sa isang pagsusuring pang-estadistika.[2]
Ang estadistikang deskriptibo ay maaaring magbunga ng magkakaibang resulta para sa magkakaibang mga sub-populasyon. Halimbawa, ang isang partikular na gamot ay maaaring magkaroon ng iba't ibang epekto sa iba't ibang mga sub-populasyon, at ang mga epektong ito ay maaaring tago o hindi kapansin-pansin kung ang espesyal na mga sub-populasyon ay hindi makilala at masuri nang nakabukod.
Potensiyal na sukat baguhin
Ang populasyon ay ginagamit din upang itawag sa isang grupo ng mga potensiyal na sukat o halaga, hindi lamang ang mga naoobserbahan kung hindi pati na rin ang mga potensiyal na obserbasyon. Ipagpalagay na lamang natin na tayo ay interesado sa mga grupo ng mga matatandang kalabaw na ngayon ay makikita sa mga palayan ng Bulacan, at gusto rin nating malaman ang pangkalahating timbang ng mga manok. Para sa bawat manok sa populasyon ng mga kalabaw, may isang timbang at ang grupo ng mga timbang ito ay tinatawag na populasyon ng mga timbang.